EUSTATen datuen arabera, Euskal Autonomia Erkidegoan eraikuntzaren kostuen indizeak %0,3ko igoera izan zuen 2006ko maiatzean, aurreko hilabetearen aldean; horrela, hilabete horretako urte arteko tasa %4,3raino igo zen. Aurreko urteko abenduaren aldean, %4,2 igo da.

2006ko maiatzean laneskuaren kostuak ez du inolako aldaketarik izan (%0,0), aitzitik lehengaien kostuek %0,5eko igoera izan dute.

Eraikuntzaren eta Obra Zibilaren azpisektoreek antzeko bilakaera izan zuten; bai eraikuntzak bai obra zibilerako lehengaien kostuek %0,5eko gehikuntza izan zuten aurreko hilabetearen aldean. Bi azpisektore horien urte arteko bilakaeran argi ikusten da antzeko ibilbideak izan dituztela: eraikuntzako lehengaien kostuak %3,8 gehitu ziren, eta obra zibilekoak %4,0.

Maiatzean, prezioaren hazkunde handienak, besteak beste, metalezko tutuerietan (%4,1), lehergailu eta gasetan (%2,9), energia elektrikoan (%2,5) eta burdina eta altzairuan (%2,1) kontsumitutako lehengaietan eman ziren. Ondoko hauetako lehengaien prezioak, berriz, gutxitu egin dira, besteak beste: asfaltozko produktuak (%-2,5), petrolioaren eratorriak (%-1,8), karea, igeltsua eta eskaiola (%-1,6) eta zur eta kortxoa (%-0,2).

Sektorean kontsumitu diren lehengaien prezioari dagokionez, azken hamabi hilabeteetan inflazio-tasa handienak izan zituztenak ondokoak izan ziren: petrolioaren eratorriak (%23,2), asfaltozko produktuak (%21,0), energia elektrikoa (%15,3), lehergailu eta gasak (%9,9), burdina eta altzairua (%7,9) eta beira (%7,7). Bestalde, ondoko hauen lehengaien urte arteko prezioak (2005eko maiatzetik 2006ko maiatzera) murriztu egin dira: karea, igeltsua eta eskaiola (%-3,4), metalezko tutueriak (%-1,0) eta zeramika-produktuak (%-0,1).