EUSTATen datuen arabera, Euskal Autonomia Erkidegoan eraikuntzaren kostuen indizeak %0,4ko igoera izan zuen 2006ko uztailean, aurreko hilabetearen aldean; horrela, hilabete horretako urte arteko tasa %5,0eraino igo zen. Aurreko urteko abenduaren aldean, %4,9 igo da.

Urte arteko aldakintza-tasak, 1997-2006

(*) Gehikuntza uztailako urte artekoa da

Iturria: EUSTAT

2006ko uztailean laneskuaren kostuak ez du inolako aldaketarik izan (%0,0), aitzitik lehengaien kostuek %0,6ko igoera izan dute.

Eraikuntzaren eta Obra Zibilaren azpisektoreek antzeko bilakaera izan dute: eraikuntzak %0,6ko igoera izan du aurreko hilabetearen aldean, eta Obra Zibilerako lehengaien kostuek %0,7koa. Bi azpisektore horien urte arteko bilakaeran argi ikusten da antzeko ibilbideak izan dituztela: eraikuntzako lehengaien kostuak %5,0 gehitu ziren, eta obra zibilekoak %4,7.

Uztailean, prezioaren hazkunde handienak, besteak beste, asfaltozko produktuetan (%6,1), energia elektrikoan (%3,6), petrolioaren eratorrietan (%2,5) eta burdina eta altzairuan (%1,9) kontsumitutako lehengaietan eman ziren. Ondoko hauetako lehengaien prezioak, aldiz, gutxitu egin ziren: beira (%-0,8), erauzketa-agregakinak (%-0,2), zementu artifiziala (%-0,2) eta esku-tresnak (%-0,1).

Sektorean kontsumitu diren lehengaien prezioari dagokionez, azken hamabi hilabeteetan inflazio-tasa handienak izan zituztenak ondokoak izan ziren: energia elektrikoa (%22,9), asfaltozko produktuak (%18,5), petrolioaren eratorriak (%12,3), burdina eta altzairua (%13,2) eta lehergailuak eta gasak (%7,3). Bestalde, urte batetik bestera (2005eko uztailetik 2006ko uztailera) lehengaien prezioan murrizpenak edo hazkunde txikiagoak izan dituzte honako hauek: zeramika-produktuak (%-0,1), harri landua (%0,0), zur eta kortxoa (%0,7) eta pinturak eta bernizak (%0,8).

Eraikuntzaren kostuen indizea. Euskal AE / Datu aurrerapena. 2006ko Uztaila

Iturria: EUSTAT