EUSTATen datuen arabera, eta lan-egutegi homogeneoari dagokionez, Euskal Autonomia Erkidegoko industri produkzioa 2005eko maiatzaren aldean %3,7 hazi da 2006ko maiatzean. Urteko lehenengo bost hilabeteetako hazkundea %4,9koa izan da, 2005eko aldi beraren aldean.

2006ko maiatzean, eta 2006ko apirilaren aldean, Euskal Autonomia Erkidegoko industri produkzioa %2,8 hazi da baina estazionalitate-ondorioak zuzendu ostean.

Sektoreen araberako bilakaera

Sektoreen arabera, eta industri sektore nagusienen sailkapena kontuan hartuta, 2006ko maiatzeko indizearen bilakaerak (2005eko maiatzaren aldean) gehikuntzak izan ditu sektore guztietan: ekipamenduko ondasunak %5,6 gehitu dira, energia %5,1, tarteko ondasunak %3,1 eta kontsumo-ondasunak %1,4; izan ere, azken hauen gehikuntza kontsumo-ondasun iraunkorren (%0,7) eta kontsumo-ondasun ez iraunkorren (%1,8) gehikuntzaren ondorioz eman da.

2006ko maiatzeko hil arteko aldaketak, 2006ko apirilaren aldean, positiboak izan dira industriako sektore guztietan. Energia %4,3 gehitu da hil artean, ekipamenduko ondasunak %3,7 gehitu dira aurreko hilabetearen aldean, tarteko ondasunak %1,2 eta kontsumo-ondasunak %3,1 martxoaren aldean. Azken honen gehikuntza kontsumo-ondasun ez iraunkorrek (%3,3) eta kontsumo-ondasun iraunkorrek eragin dute (%2,8).

Lurralde Historikoen araberako bilakaera

Lurralde historikoen arabera, Industri Produkzioaren Indizearen urte arteko bilakaerak positiboak izan dira Bizkaian (%7,2) eta Gipuzkoan (%2,5), baina Araban %0,7 murriztu dira.

2006ko maiatzetik apirilera bitarteko tasak gehitu egin dira hiru lurraldeetan: Araban %3,8 gehitu dira hil artean, Bizkaian %3,2 eta Gipuzkoan %1,8.