EUSTATen datuen arabera, Euskal Autonomia Erkidegoan eraikuntzaren kostuen indizeak %0,3ko igoera izan zuen 2006ko abuztuan, aurreko hilabetearen aldean; horrela, hilabete horretako urte arteko tasa %5,3raino igo zen. Aurreko urteko abenduaren aldean ere, %5,3 igo da.

Urte arteko aldakintza-tasak, 1997-2006

(*) Gehikuntza abuztuko urte artekoa da

Iturria: EUSTAT

2006ko abuztuan laneskuaren kostuak ez zuen inolako aldaketarik izan (%0,0), aitzitik lehengaien kostuek %0,4ko igoera izan zuten.

Eraikuntzaren eta Obra Zibilaren azpisektoreek bilakaera ezberdina izan dute: eraikuntzak %0,5eko igoera izan du aurreko hilabetearen aldean, eta Obra Zibilerako lehengaien kostuek %0,2koa. Bi azpisektore horien urte arteko bilakaeran, argi ikusten da ibilbide ezberdinak izan dituztela ere: eraikuntzako lehengaien kostuak %5,4 gehitu ziren, eta obra zibilekoak %4,7.

Abuztuan, preziorik esanguratsuenen hazkunde handienak, besteak beste, energia elektrikoan (%5,4), asfaltozko produktuetan (%4,7), beiran (%2,5) eta burdina eta altzairuan (%1,7) kontsumitutako lehengaietan eman ziren. Aitzitik, ondoko hauen lehengaien prezioak murriztu egin dira, besteak beste: petrolioaren eratorriak (-%2,3), erauzketa-agregakinak (-%0,2), egiturak eta galdaragintza (-%0,1), zura eta kortxoa (-%0,1) eta esku-tresnak (-%0,1).

Sektorean kontsumitu diren lehengai esanguratsuenen prezioari dagokionez, azken hamabi hilabeteetan inflazio-tasa handienak izan zituztenak ondokoak izan ziren: energia elektrikoa (%21,6), asfaltozko produktuak (%18,5), burdina eta altzairua (%16,6), beira (%8,9), olioak eta koipeak (%6,3) eta petrolioaren eratorriak (%5,6). Bestalde, urte batetik bestera (2005eko abuztutik 2006ko abuztura) lehengaien prezioetan murrizpenak edo hazkunde txikiagoak izan dituzte honako hauek: zeramika-produktuak (-%0,1), harri landua (%0,0), zura eta kortxoa (%0,9), gailuak eta material elektrikoa (%1,0), eta pinturak eta bernizak (%1,1).

Eraikuntzaren kostuen indizea. Euskal AE / Datu aurrerapena. 2006ko Abuztua

Iturria: EUSTAT