EUSTATen datuen arabera, Euskal Autonomia Erkidegoan eraikuntzaren kostuen indizeak %0,3ko igoera izan zuen 2006ko irailean, aurreko hilabetearen aldean; horrela, hilabete horretako urte arteko tasa %5,5eraino igo zen. Aurreko urteko abenduaren aldean ere, %5,5 igo da.

Urte arteko aldakintza-tasak, 1997-2006

(*) Gehikuntza irailako urte artekoa da

Iturria: EUSTAT

2006ko irailean laneskuaren kostuak ez zuen inolako aldaketarik izan (%0,0), aitzitik lehengaien kostuek %0,4ko igoera izan zuten.

Eraikuntzaren eta Obra Zibilaren azpisektoreek bilakaera ezberdina izan dute: eraikuntzak %0,5eko igoera izan du aurreko hilabetearen aldean, eta Obra Zibilerako lehengaien kostuek %0,2koa. Bi azpisektore horien urte arteko bilakaeran, argi ikusten da ibilbide ezberdinak izan dituztela: eraikuntzako lehengaien kostuak %5,9 gehitu ziren, eta obra zibilekoak %4,0.

Irailean, preziorik esanguratsuenen hazkunde handienak, besteak beste, metalezko tutuerian (%3,4), burdina eta altzairuan (%3,3), pintura eta barnizetan (%1,7) eta beiran (%1,2) kontsumitutako lehengaietan eman ziren. Ondoko hauetako lehengaien prezioak, berriz, gutxitu egin dira, besteak beste: petrolioaren eratorriak (%-10,0), energia elektrikoa (%-4,0), asfaltozko produktuak (%-3,0) eta lehergailuak eta gasak (%-1,2).

Sektorean kontsumitu diren lehengai esanguratsuenen prezioari dagokionez, azken hamabi hilabeteetan inflazio-tasa handienak izan zituztenak ondokoak izan ziren: energia elektrikoa (%22,8), burdina eta altzairua (%21,4), metalezko tutueria (%11,9), beira (%9,1) eta lehergailuak eta gasak (%6,5). Bestalde, urte batetik bestera (2005eko irailetik 2006ko irailera) lehengaien prezioan murrizpenak edo hazkunde txikiagoak izan zituzten honako hauek: petrolioaren eratorriak (%-9,4), zeramika-produktuak (%-0,1), harri landua (%0,0), gailuak eta material elektrikoa (%0,9), zura eta kortxoa (%1,1) eta kare, igeltsu eta eskaiola (%1,2).

Eraikuntzaren kostuen indizea. Euskal AE / Datu aurrerapena. 2006ko Iraila

Iturria: EUSTAT