EUSTATen datuen arabera, eta lan-egutegi homogeneoari dagokionez, Euskal Autonomia Erkidegoko industri produkzioa 2005eko otsailaren aldean %9,0 hazi da 2006ko abuztuan. Urteko lehenengo zortzi hilabeteetako hazkundea %4,5ekoa izan da, 2005eko aldi beraren aldean.

2006ko abuztuan, eta 2006ko uztailaren aldean, Euskal Autonomia Erkidegoko industri produkzioa %4,4 hazi da baina estazionalitate-ondorioak zuzendu ostean.

Euskal Autonomia Erkidegoko Industri Produkzioaren Indizearen urte arteko hazkunde zuzendua, hiruhilabeteka

(*) 2006ko uztail-abuztuko urte arteko hazkunde zuzendua

Iturria: EUSTAT

Sektoreen araberako bilakaera

Sektoreen arabera, eta industri sektore nagusienen sailkapena kontuan hartuta, 2006ko abuztuko indizearen bilakaerak (2005eko abuztuaren aldean) aldaketa positiboak izan ditu sektore guztietan: ekipamenduko ondasunak %29,0 hazi dira; tarteko ondasunak %7,3 igo dira; energia %2,9 igo da, eta kontsumoko ondasunak %1,2 igo dira, kontsumo-ondasun iraunkorrek eta kontsumo-ondasun ez iraunkorrek izandako gehikuntzen ondorioz (%5,2 eta %0,4 hurrenez hurren).

2006ko abuztuko hilabete arteko aldakuntzek (2006ko uztailaren aldean) zeinu ezberdina izan dute industriako sektoreetan. ekipamenduko ondasunak %12,2 gehitu da hilabete artean, tarteko ondasunak %0,4 jaitsi dira aurreko hilaren aldean, energia %1,3 murriztu da eta kontsumoko ondasunak %0,9 jaitsi dira uztailekoen aldean, kontsumo-ondasun ez iraunkorrak %1,7 gutxitu direlako eta kontsumo-ondasun iraunkorrak %0,6 gehitu direlako.

Lurralde Historikoen araberako bilakaera

Lurralde historikoen arabera, Industri Produkzioaren Indizearen urte arteko bilakaerak positiboak izan dira hiru lurraldeetan: Araban %15,6 hazi da, Gipuzkoan %12,2 hazi da eta Bizkaian %4,7.

2006ko uztailetik abuztura arteko tasak hiru lurraldeetan gehitu dira: Araban %9,2 gehitu dira, Gipuzkoan %5,3 eta Bizkaian %1,2.

Taula: 2006ko Abuztua. Euskal Autonomia Erkidegoko Industri Produkzioaren Indizearen aldaketa-tasak (%)

(1) t urteko urtarriletik azken hilera arte metatutako aldiaren urtetik urterako aldaketa-tasa da, t-1 urteko aldi berberaren aldean.

Iturria: Eustat