EUSTATek landutako datuen arabera, Euskal AEko eraikuntzako jarduerak %5,5eko hazkunde nominala izan zuen 2006ko hirugarren hiruhilekoan, lan-egutegiko baldintza homogeneotan, 2005eko hiruhileko beraren aldean. Urteko lehen hiru hiruhilekotan hazkunde metatua nominala izan da, %7,6koa hain zuzen ere.

Urtaroen eragina zuzendu eta gero, 2006ko hirugarren hiruhilekoan eraikuntzaren sektorea %1,5 hazi zen, urte bereko bigarren hiruhilekoaren aldean, eta azelerazio arina agertu zuen (%1,1) aurreko hiruhilekoaren hil arteko tasaren aldean.

Euskal Autonomia Erkidegoko Eraikuntzaren Koiunturari buruzko Indizearen urte arteko hazkunde zuzendua, hiruhilabeteka

Iturria: Eustat

2006ko hirugarren hiruhilekoan eraikuntza-sektorearen bilakaera gehiago oinarritu zen obra zibila azpisektorean, eraikuntza azpisektorean baino. Izan ere, lehenak urte arteko %6,1eko igoera izan zuen, eta bigarrenak, berriz, %5,2koa.

Hiruhileko arteko terminoetan, 2006ko hirugarren hiruhilekoko sektorearen jarduera urte horretako bigarren hiruhilekoan izandakoarekin alderatuta, eraikuntza azpisektoreak %0,6ko bilakaera positiboa izan zuen eta obra zibilak azpisektoreak %3,5eko hiruhileko arteko bilakaera. Beraz, azpisektore biek nahiko profil azeleratua erakutsi zuten, nahiz eta intentsitate ezberdinarekin.

2006ko hirugarren hiruhilekoan, eraikuntzaren sektoreko enplegua %1,6 gehitu zen, datu gordinetan, aurreko urteko aldi berdinaren aldean, eta %0,5eko hiruhileko arteko hazkundea lortu zuen, 2006ko bigarren hiruhilekoaren aldean.

Taula: 2006ko 3. hiruhilekoa. Euskal Autonomia Erkidegoko Eraikuntzaren Koiunturari buruzko Indizearen aldakuntza-tasak (%)

(1) t urteko urtarriletik azken hiruhilekora arte metatutako aldiaren urte arteko aldakuntza-tasa, t-1 urteko aldi beraren aldean.

Iturria: EUSTAT