2006ko urrian, Euskal AEko Eraikuntzaren Kostuen Indizea %0,1 igo da, aurreko hilaren aldean, eta hilabete horretako urte arteko tasa %4,8ra iritsi da, EUSTATen datuen arabera. Aurreko abenduaren aldean lortutako igoera %5,4koa izan da.

Urte arteko aldakintza-tasak, 1997-2006

(*) Gehikuntza urriko urte artekoa da

Iturria: EUSTAT

2006ko urrian, lan-eskuaren kostua ez da aldatu (%0,0); lehengaien kostuak, berriz, %0,1 igo dira.

Eraikuntza eta Obra Zibila azpisektoreek antzeko bilakaera izan dute: aurreko hilaren aldean %0,1 igo dira, bai Eraikuntzaren atalean bai Obra Zibileko lehengaien kostuen atalean ere. Bi azpisektore horien urte arteko bilakaeran badira zenbait ezberdintasun: eraikuntzako lehengaien kostuak %4,8 hazi dira, eta obra zibilekoak %3,2.

Urrian prezio-hazkunderik handienak kontsumitutako honako lehengaiek izan dituzte: energia elektrikoa (%1,5); burdina eta altzairua (%0,9); beira (%0,8); eta zementu artifiziala (%0,6) lehengaiek, besteak beste. Aitzitik, beste lehengai batzuen prezioak jaitsi egin dira, hala nola karea, igeltsua eta eskaiola (%-0,3); petroliotik eratorritakoak (%-2,2); asfalto-produktuak (%-2,0); eta leherkariak eta gasak (%-0,8) lehengaienak besteak beste.

Sektoreak kontsumitutako lehengai garrantzitsuenen artetik, azken hamabi hilabeteetan, hauek izan dituzte inflazio-tasarik handienak: energia elektrikoa (%25,8); burdina eta altzairua (%16,6); beira (%9,2); metalezko hoditeria (%8,9); eta leherkariak eta gasak (%5,1). Bestalde, urte arteko prezioetan (2006ko urria, 2005eko urriarekin alderatuta) honako lehengai hauek izan dituzte jaitsierak edota igoera txikiagoak: petroliotik eratorriak (%-9,5); karea, igeltsua eta eskaiola (%-2,2); zeramika-produktuak (%-0,1); harri elaboratua (%0,0); aparatu eta material elektrikoak (%0,0); eta egurra eta kortxoa (%1,0).

Eraikuntzaren kostuen indizea. Euskal AE / Datu aurrerapena. 2006ko Urria

Iturria: EUSTAT