EUSTATek landutako datuen arabera, 2006ko urrian %4,7 hazi zen Euskal AEko industri produkzioa lan-egutegiko baldintza homogeneotan, 2005eko hil beraren aldean. Urteko lehen hamar hilabeteetan %4,3ko hazkunde metatua egon da, 2005eko aldi beraren aldean.

Urtaroen eragina zuzenduta, 2006ko urrian %0,2 hazi zen industri produkzioa, 2006ko irailarekin alderatuta.

Euskal AEko Industri Produkzioaren Indizearen urte arteko hiruhileroko hazkunde zuzendua

(*) 2006ko urriko urte arteko hazkunde zuzendua

Iturria: Eustat

Sektore-bilakaera

Sektoreka, industri sektore handien sailkapena kontuan hartuta, 2006ko urriko indizearen bilakaerak honako aldakuntzak izan zituen, 2005eko urriaren aldean: Ekipo-ondasunak %10,0 hazi ziren; Bitarteko ondasunak %3,8 igo ziren; Kontsumo-ondasunek %1,6ko gorakada izan zuten, Kontsumo-ondasun iraunkorrek (%3,6) eta Kontsumo-ondasun ez-iraunkorrek izandako igoeren eraginez; baina, Energia %2,8 jaitsi zen.

2006ko irailaren aldean, 2006ko urriko hil arteko aldakuntzaren zeinua bestelakoa izan zen industri sektoreetan. Ekipo-ondasunek hil arteko %1,5eko gorakada izan zuten; Bitarteko ondasunak %0,6 igo ziren aurreko hilaren aldean; eta Kontsumo-ondasunak %1,1 hazi ziren aurreko irailarekin alderatuta, Kontsumo-ondasun iraunkorrek (%2,1) eta Kontsumo-ondasun ez-iraunkorrek (%0,6) izandako igoeragatik. Energia %3,4 jaitsi zen aurreko irailarekin alderatuta.

Bilakaera lurralde historikoaren arabera

Lurralde historikoei dagokienez, Industri Produkzioaren Indizearen urte arteko bilakaerak ezberdinak izan dira hiru lurraldeetan: Araban %2,4 jaitsi da, Bizkaian %5,6 igo da eta Gipuzkoan %7,8ko gorakada izan du.

2006ko irailaren aldean, 2006ko urriko hil arteko tasak hauek izan dira hiru lurraldeetan: Araban %2,1 jaitsi dira, Bizkaian %0,1 egin dute behera, eta Gipuzkoan %1,8 igo dira.

Taula: 2006ko urria. Euskal AEko Industri Prezioen Indizearen aldakuntza-tasak (%)

(1) t urteko urtarriletik azken hilera arteko aldi metatuaren urte arteko aldakuntza-tasa, t-1 urtearen aldi berdinaren aldean

Iturria: Eustat