EUSTATen datuen arabera, eta lan-egutegi homogeneoari dagokionez, 2006ko laugarren hiruhilekoan Euskal Autonomia Erkidegoko eraikuntzaren sektoreak %9,8ko hazkunde nominala izan zuen 2005eko hiruhileko beraren aldean. 2006. urte osoan, eta aurreko urtearen aldean, %8,0 hazi zen.

Hiruhilekoak alderatu ahal izateko estazionalitate-ondorioak zuzendu dira eta ondoren ikusi da 2006ko hirugarren hiruhilekoaren aldean laugarren hiruhilekoko eraikuntzaren jarduera %4,1 hazi zela; gainera, aurreko hiruhilekoko hiruhileko arteko tasaren aldean azeleratu egin zen (%2,3).

Euskal Autonomia Erkidegoko Eraikuntzaren Koiunturari buruzko Indizearen urte arteko hazkunde zuzendua, hiruhilabeteka

Iturria: Eustat

Eraikuntzaren sektoreak 2006ko laugarren hiruhilekoan izan zuen bilakaerak Obra Zibila baino gehiago izan zuen euskarri Eraikuntzaren azpisektorea: eraikuntzak %10,2ko urte arteko igoera izan zuen eta Obra Zibilak %8,9koa. Metatutako kopuruari dagokionez gauzak berdin mantendu ziren: eraikuntzak %8,5eko igoera izan zuen urte osoan eta obra zibilak %6,8koa.

Hiruhileko artean, sektoreak 2006ko laugarren hiruhilekoan izan zuen jarduera 2006ko hirugarren hiruhilekokoarekin alderatuz gero, obra zibilaren azpisektoreak bilakaera positiboa izan zuen (%7,1) eta eraikuntzak hiruhileko arteko hazkunde neurrizkoagoa izan zuen (%2,7).

2006ko laugarren hiruhilekoan, eraikuntzaren sektoreko enplegua %1,2 gehitu zen urte bereko aldi beraren aldean; hiruhileko artean, 2006ko hirugarren hiruhilekoaren aldean, %0,3ko hazkundea izan zuen sektoreak.

Taula: 2006ko 4. hiruhilekoa. Euskal Autonomia Erkidegoko Eraikuntzaren Koiunturari buruzko indizearen aldakuntza-tasak (%)

(1) t urteko urtarriletik azken hiruhilekora arte metatutako aldiaren urte arteko aldakuntza-tasa da, t-1 urteko aldi berberarekin alderatuta.

Iturria: Eustat