2006ko azaroan, Euskal AEko Eraikuntzaren Kostuen Indizea %0,1 igo zen, aurreko hilaren aldean, eta hilabete horretako urte arteko tasa %5,3ra iritsi zen, EUSTATen datuen arabera. Aurreko abenduaren aldean lortutako igoera %5,7koa izan da.

Urte arteko aldakintza-tasak, 1997-2006

(*) Gehikuntza azaroko urte artekoa da

Iturria: EUSTAT

2006ko azaroan, lan-eskuaren kostua ez da aldatu (%0,0); lehengaien kostuak, berriz, %0,2 igo dira.

Eraikuntza eta Obra Zibila azpisektoreek bilakaera desberdinak izan zituzten: aurreko hilaren aldean, Eraikuntza %0,2 igo zen, eta Obra Zibileko lehengaien kostuek, aldiz, ez zuten aldaketarik izan (%0,0). Bi azpisektore horien urte arteko bilakaeran ere badira zenbait ezberdintasun: eraikuntzako lehengaien kostuak %5,5 hazi dira, eta obra zibileko lehengaien kostuek %4,6ko igoera izan dute.

Azaroan, prezio-hazkunderik handienak kontsumitutako honako lehengaiek izan dituzte: beira (%3,5), energia elektrikoa (%1,9), olioak eta koipeak (%1,3) eta budina eta altzairua (%1,1) lehengaiek, besteak beste. Aitzitik, beste lehengai batzuen prezioak jaitsi egin dira, hala nola metalezko hoditeria (%-1,2), asfalto-produktuak (%-1,0), petroliotik eratorritakoak (%-0,9) eta plastikozko hoditeria (%-0,6) lehengaienak besteak beste.

Sektoreak kontsumitutako lehengai garrantzitsuen artetik, azken hamabi hilabeteetan, hauek izan dituzte inflazio-tasarik handienak: energia elektrikoa (%23,5), burdina eta altzairua (%18,0), metalezko hoditeria (%15,2), beira (%12,7), eta zementu artifiziala (%5,1). Bestalde, urte arteko prezioetan (2006ko azaroa, 2005eko azaroarekin alderatuta) honako lehengai hauek izan dituzte jaitsierak edota igoera txikiagoak: petroliotik eratorriak (%-3,8), asfalto-produktuak (%-0,1), zeramika-produktuak (%-0,1), harri elaboratua (0,3), karea, igeltsua eta eskaiola (%0,6), eta egurra eta kortxoa (%0,9).

Eraikuntzaren kostuen indizea. Euskal AE / Datu aurrerapena. 2006ko Azaroa

Iturria: EUSTAT