2006ko abenduan, eta azaroarekin alderatuta, Euskal AEko Eraikuntzaren Kostuen Indizea %0,5 igo zen EUSTATen datuen arabera. 2006. urte osoko tasak %6,2ko igoera izan zuen 2005eko abenduaren aldean.

Urte arteko aldakuntza-tasak, 1997-2006

Iturria: EUSTAT

Urteko aldian (2006ko abendua, 2005eko abenduaren aldean), lan-eskuaren kostua %5,3 handitu da eta lehengaien kostuak, berriz, %6,6.

Abenduan Eraikuntza eta Obra Zibila azpisektoreek antzeko bilakaera izan zuten lehengaien kostuari dagokionez. Eraikuntzaren atalean %0,7ko igoera egon zen aurreko hilaren aldean, eta Obra Zibilaren atalean lehengaien kostuak %0,6 igo ziren. Azpisektore bien urteko bilakaeran ikusten denez, biek gora egin dute baina indar ezberdinez: eraikuntzako lehengaien kostuak %6,9 hazi ziren, eta obra zibilekoak, berriz, %5,4.

Sektoreak kontsumitutako lehengaien artetik, 2006an hauek izan zituzten inflazio-tasarik handienak: energia elektrikoak (%24,8), burdina eta altzairuak (%22,0), metalezko hoditeriak (%17,3) eta beirak (%12,8). Aitzitik, urteko prezioetan (2006ko abendua, 2005eko abenduaren aldean) murrizketak izan dituzte petroliotik eratorrien (%-4,8), asfaltozko produktuen (%-2,7) eta zeramika-produktuen (%-0,1) lehengaiek.

Eraikuntzaren kostuen indizea. Euskal AE / Datu aurrerapena. 2006ko abendua

Iturria: EUSTAT