EAEn eraikuntzako kostuen indizeak %2,2ko igoera izan du 2007ko urtarrilean, aurreko hilabetearen aldean; horrela, hilabete horretako urte arteko tasa %5,4raino igo da, EUSTATen datuen arabera.

Urte arteko aldakuntza-tasak, 1997-2007

(*) Hazkundea urtarrilako urte artekoa da

Iturria: EUSTAT

2007ko urtarrilean laneskuaren kostua %3,5 gehitu da, eta lehengaien kostuek %1,6ko igoera izan dute.

Eraikuntzako azpisektorearen lehengaien kostuak %1,7ko hazkundea izan du aurreko hilabetearen aldean, eta Obra zibilarenak %1,0 gehitu dira. Aipatu azpisektore bi horien urtetik urterako bilakaera kontuan hartuz gero ikusten da biak gehitu direla baina modu ezberdinean: eraikuntzako lehengaien kostuak %6,7 gehitu dira, eta obra zibilekoak %5,0.

Urtarrilean prezioaren hazkunde handienak, besteak beste, hurrengo sektoreetako lehengaietan eman zen: zementu artifiziala (%5,8), karea, igeltsua eta eskaiola (%3,9), pinturak eta bernizak (%3,7), beira (%3,4), erauzketa-agregakinak (%3,3) eta zementutik eratorritako gaiak (%3,0). Ondoko hauetako lehengaien prezioak, berriz, gutxitu egin dira, besteak beste: petrolioaren eratorriak (%-5,0), asfaltozko produktuak (%-3,0), garbitzeko materiala (%-2,7), gailuak eta material elektrikoa (%-0,8) eta metalezko tutueria (%-0,1).

Sektorean kontsumitu diren lehengaien prezioari dagokionez, azken hamabi hilabeteetan inflazio-tasa handienak izan dituztenak ondokoak izan dira: burdina eta altzairua (%21,8), energia elektrikoa (%21,2), metalezko tutueria (%18,4) eta beira (%15,2). Bestalde, urte batetik bestera (2006ko urtarriletik 2007ko urtarrilera) honako hauen lehengaien prezioak murriztu egin dira: petrolioaren eratorriak (%-12,5), asfaltozko produktuak (%-7,9), garbitzeko materiala (%-2,1) eta zeramika-produktuak (%-0,1).

Eraikuntzaren kostuen indizea. Euskal AE / Datu aurrerapena. 2007ko urtarrila

Iturria: EUSTAT