EUSTATen datuen arabera, eta lan-egutegi homogeneoari dagokionez, Euskal Autonomia Erkidegoko industri produkzioa 2006ko hil beraren aldean %2,9 hazi da 2007ko urtarrilean.

2007ko urtarrilean, eta 2006ko abenduaren aldean, Euskal Autonomia Erkidegoko industri produkzioa %1,2 murriztu da baina estazionalitate-ondorioak zuzendu ostean.

Euskal Autonomia Erkidegoko Industri Produkzioaren Indizearen urte arteko hazkunde zuzendua, hiruhilabeteka

(*) 2007ko urtarrileko urte arteko hazkunde zuzendua

Iturria: Eustat

Sektoreen araberako bilakaera

Sektoreen arabera, eta industri sektore nagusiak sailkatu ostean, 2007ko urtarrileko indizearen bilakaera hazi egin da ekipamenduen ondasunetan (%7,7) eta tarteko ondasunetan (%3,7), 2006ko urtarrilaren aldean. Energia %4,4 gutxitu da eta kontsumo-ondasunak %0,9, hauek kontsumo-ondasun iraunkorren (%-3,3) gutxitzearen ondorioz; kontsumo-ondasun ez iraunkorrak, aitzitik, %0,4 gehitu dira.

2006ko abenduaren aldean, 2007ko urtarrilean hil arteko aldaketak positiboak izan dira energiaren (%4,6) eta ekipamenduko ondasunen (%1,4) sektore nagusietan; aitzitik, 2006ko abenduaren aldean betiere, tarteko ondasunek (%-1,4) eta kontsumo-ondasunek %3,6 behera egin dute. Kontsumo-ondasunen osagaien artean, kontsumo-ondasun iraunkorrek %5,9ko hil arteko murrizpena izan dute baina kontsumo-ondasun ez iraunkorrek %2,3 egin dute behera, aurreko urteko abenduaren aldean.

Lurralde Historikoen araberako bilakaera

Lurralde historikoen arabera, Industri Produkzioaren Indizearen urte arteko bilakaerak positiboak izan dira sektore guztietan; izan ere, Gipuzkoan %6,1 hazi da, Araban %1,6 eta Bizkaian %0,9.

Lurraldeetako hil arteko hazkunde-tasei dagokienez (2007ko urtarrilekoak, 2006ko abenduaren aldean) bilakaera ezberdinak eman dira aipatu aldian: Araban %0,6 hazi da tasa hori hil artean baina Bizkaian (%0,7) eta Gipuzkoan (%1,1) tasa horrek behera egin du.

Taula: 2007KO URTARRILA. Euskal Autonomia Erkidegoko Industri Produkzioaren Indizearen aldaketa-tasak (%)

(1) t urteko urtarriletik azken hilera arte metatutako aldiaren urtetik urterako aldaketa-tasa da, t-1 urteko aldi berberaren aldean.

Iturria: Eustat