Euskal AEko ustiategiak 2003ko 22.234 izatetik 2005eko 21.730era pasa dira, hau da, %2,3 gutxiago. Nekazaritzako azalera guztia zein nekazaritzako azalera erabilia (lur landuak eta larre iraunkorretarako lurrak) apenas aldatu dira 2003. urtearen aldean: %0,5 gehitu dira lehenengoak eta %0,5 gutxitu bigarrenak, Eustatek landutako datuen arabera.

Nekazaritzako azaleraren batez besteko tamaina 11,03 hektareakoa da Euskal AEn, aldeak izan arren Arabaren beste bi lurraldeen artean: Araban 29,2 ha., Gipuzkoan 7,9 ha. eta Bizkaian 5,9 ha.

Lurraren %41 basoek okupatzen dute eta %36,6 larre eta belardiek

Lurren gainerako aprobetxamenduen barruan, lur landuetarako bideratutako azalera nabarmentzen da, %18,8rekin, batez ere belarkien laborantzara bideratua Araban.

1. taula.- Nekazaritzako azalera sailkatua, aprobetxamendu-motaren eta lurralde historikoaren arabera. 2005. urtea

Iturria: EUSTAT

Abeltzaintzako ustiategiak eta behi- eta ardi-azienden abelburuak gutxitu egin dira, eta txerri-aziendak aldiz gehitu

2005ean 2003an baino behi-aziendadun 1.000 ustiategi gutxiago (%-11,7) zenbatu ziren eta txerri-aziendadunak 443 gutxiago (%-23). Ardi-aziendadun ustiategiak, berriz, 393 gutxitu ziren, hots, %7,7 gutxiago.

Abelburu-kopuruaren bilakaerak aldeak ditu: txerri-aziendena positiboa (%6,6), baina negatiboa behi-aziendena (%-5,6) eta ardi-aziendena (%-1,1).

Bi bilakaera horiek kontuan hartuta, ustiategi bakoitzeko abelburuen batez besteko kopurua gehitu egin da 2003 eta 2005 arteko bi urteetan.

2. taula. Abeltzaintza. Azienda-mota eta unitateak. 2005. urtea

Iturria: EUSTAT

Ohar metodologikoa: Datuok 2004ko urriaren 1etik 2005eko irailaren 30era arteko nekazaritzako kanpainari, hots, 2005eko nekazaritzako urteari egiten diote erreferentzia. Inkesta hau Estatistikako Institutu Nazionalarekin (INE) lankidetzan egin da Euskal AEn.