EUSTATen datuen arabera, Aste Santuko astelehenetik Pazko-asteko ostiralera bitartean 73.621 bidaiari izan dira Euskal Autonomia Erkidegoko hoteletan. Bidaiarien sarrerak %5,2 gehitu dira, hau da, aurreko urtean baino ia 4.000 pertsona gehiago izan da.

Bestalde, bidaiariek 145.873 gau igaro dituzte; hots, 2006. urteko aldi berean baino 6.000 gau gehiago igaro dituzte (%4,6tik gora).

Bidaiari bakoitzaren batezbesteko egonaldi kopurua, aurreko urteekin erkatuta, pixka bat gutxiagotu da; hain zuzen, aurreko urtean bidaiari bakoitzak batez beste 1,99 egun egin zituen eta aurten 1,98 egun.

Plazen okupazioa aurreko urteko maila baino %2,1 txikiagoa izan da. 2006. urtean indize hori %51,83koa izan zen eta 2007ko aldi berean %50,75koa.

4.891 bidaiarik nekazalturismoak aukeratu dituzte, 2006ko aldi berean baino %3,8 gutxiago. Guztira 17.485 gau igaro dituzte nekazalturismoetan, aurreko urtean baino %14,4 gehiago. Igarotako gau kopuruak etorritako bidaiari kopuruak baino bilakaera hobea izatearen arrazoia bidaiari bakoitzaren batezbesteko egonaldia handitu izana da; izan ere, batezbesteko egonaldiak luzatu dira: aurreko urtean 3,01 eguneko egonaldiak ziren eta aurtengo Aste Santuan 3,57 egunekoa. Nekazalturismoetan plazen okupazioa pixka bat handitu da, %1,7, hain zuzen ere.

Taula: Aste Santuko emaitzak 2006-2007

Iturria: EUSTAT