2007ko maiatzean, Euskal AEko Eraikuntzaren Kostuen Indizea %0,4 igo zen, aurreko hilaren aldean, eta maiatzeko urte arteko tasa %5,8ra iritsi zen, EUSTATen datuen arabera. Maiatzean Eraikuntzako azpisektorea %0,5 hazi zen eta Obra Zibilekoa %0,3; urte arteko tasak %6,0 eta %4,7 izan ziren, hurrenez hurren.

Urte arteko aldakuntza-tasak, 1997-2007

(*) Hazkundea maiatzako urte artekoa da

Iturria: EUSTAT

2007ko maiatzean, lan-eskuaren kostua ez da aldatu (%0,0); lehengaien kostuak, berriz, %0,6 igo dira.

Eraikuntza eta Obra Zibila azpisektoreek antzeko bilakaera izan zuten: aurreko hilaren aldean %0,7 igo zen Eraikuntzako lehengaien kostua eta %0,5 Obra Zibilekoa. Azpisektore bien urteko bilakaeran ikusten denez, biek antzeko joerak izan dituzte baina indar ezberdinez: eraikuntzako lehengaien kostuak %7,1, hazi dira, eta obra zibilekoak, %5,4.

Maiatzean prezio hazkunderik handienak kontsumitutako honako lehengaiek izan zituzten: beira (%4,0), burdin eta altzairua (%2,9) petroliotik eratorritakoak (%2,4), asfalto-produktuak (%2,0), leherkari eta gasak (%1,7), besteren artean. Aitzitik, hileko prezioetan murrizketak izan zituzten energia elektrikoa (% -1,3), plastikozko hoditeria (%-0,3) egiturak eta galdaragintza (% -0,3), lur egosiak (% -0,2) eta lur landua (% -0,2) lehengaiek, besteren artean.

Sektorean kontsumitu diren lehengaien prezioari dagokionez, azken hamabi hilabeteetan inflazio-tasa handienak izan dituztenak ondokoak izan dira: burdina eta altzairua (%25,5), beira (%23,0), metalezko hoditeria (%16,4) eta energia elektrikoa (%9,1). Bestalde, urte batetik bestera (2006 maiatzetik 2007ko maiatzera) honako hauen lehengaien prezioak murriztu dira: asfaltozko produktuak (%-10,1), petrolioaren eratorriak (%-3,4), egiturak eta galdaragintza (-%1,2).

Eraikuntzaren kostuen indizea. Euskal AE / Datu aurrerapena. 2007ko maiatza.

Iturria: EUSTAT