EUSTATen datuen arabera, eta lan-egutegi homogeneoari dagokionez, Euskal Autonomia Erkidegoko industri produkzioa 2006ko martxoaren aldean %6,8 hazi da 2007ko martxoan. Urteko lehenengo hiru hilabeteetako hazkundea %5,2koa izan da, 2006ko aldi beraren aldean.

2007ko martxoan, eta otsailaren aldean, Euskal Autonomia Erkidegoko industri produkzioa aldatu gabe geratu zen (%0,0) baina estazionalitate-ondorioak zuzendu ostean.

Urteko lehenengo hiruhilekoan industri jarduerak %5,2 gehitu du urte arteko tasa, ekipamenduko ondasunek gora egin dutelako batez ere; energiaren sektoreak, aldiz, tasa negatiboak izan ditu.

Euskal Autonomia Erkidegoko Industri Produkzioaren Indizearen urte arteko hazkunde zuzendua, hiruhilabeteka

Iturria: Eustat

Sektoreen araberako bilakaera

Sektoreen arabera, eta industri sektore nagusiak sailkatu ostean, 2007ko martxoko indizearen bilakaera hazi egin da ekipamenduen ondasunetan (%13,1) eta tarteko ondasunetan (%7,6), 2006ko martxoaren aldean. Aitzitik, energia %2,8 gutxitu da eta kontsumo-ondasunak %1,7 gutxitu dira, kontsumo-ondasun ez iraunkorren gutxitzearen ondorioz (%-3,7); kontsumo-ondasun iraunkorrak, aldiz, %2,3 gehitu dira.

2007ko martxoko hilabete arteko aldakuntzak, 2007ko otsailaren aldean, positiboak izan dira energiaren eta tarteko ondasunen sektore handietarako: %1,1 eta %0,4. Ekipamenduko ondasunak %1,0 jaitsi dira eta kontsumoko ondasunak %0,3 jaitsi dira otsailaren aldean. Kontsumo-ondasunen bi osagaien artean, kontsumo-ondasun iraunkorrek %1,6ko hil arteko jaitsiera izan dute baina kontsumo-ondasun ez iraunkorrek %0,3 egin dute gora, otsailaren aldean.

Lurralde Historikoen araberako bilakaera

Lurralde historikoen arabera, Industri Produkzioaren Indizearen urte arteko bilakaerak positiboak izan dira sektore guztietan; izan ere, Gipuzkoan %8,9 hazi da, Araban %5,8 eta Bizkaian %5,5.

Hil arteko hazkuntza tasak 2007ko martxoan, 2007ko otsailaren aldean, positiboak izan dira Gipuzkoan eta Bizkaian (%1,1 eta %0,8 hurrenez hurren), baina Araban %3,3 jaitsi dira.

Taula: 2007KO MARTXOA. Euskal Autonomia Erkidegoko Industri Produkzioaren Indizearen aldakuntza-tasak (%)

t urteko martxotik azken hilera arte metatutako aldiaren urtetik urterako aldaketa-tasa da, t-1 urteko aldi berberarekin erkatuta.

Iturria: Eustat