EUSTATen datuen arabera, eta lan-egutegi homogeneoari dagokionez, Euskal Autonomia Erkidegoko industri produkzioa 2006ko hil beraren aldean %3,7 hazi da 2007ko maiatzean. Urteko lehen bost hilabeteetan %4,4ko hazkunde metatua egon da, 2006ko aldi beraren aldean.

Urtaroen eragina zuzenduta, 2007ko maiatzean % 3,1 hazi zen Euskal AEko industri produkzioa, aurreko hilarekin alderatuta.

Industri jardueraren balantzea urteko lehen bost hiletan urte arteko %4,4ko hazkundearekin ixten da; ekipoko eta bitarteko ondasunek jokaera azpimarragarria izan dute; berriz, energiako sektorean eta kontsumoko ondasunenean tasa negatiboak izan dira (batez ere kontsumo ez iraunkorraren ondasunetan).

Euskal Autonomia Erkidegoko Industri Produkzioaren Indizearen urte arteko hazkunde zuzendua, hiruhilabeteka

(*) 2007ko apiril-maiatzeko urte arteko hazkunde zuzendua

Iturria: Eustat.

Sektoreen araberako bilakaera

Sektoreka, eta industri sektore handien sailkapenetik, 2007ko maiatzeko indizearen bilakaeran, 2006ko maiatzaren aldean, hazkundeak dauzkagu ekipoko ondasunetan (%5,9) eta bitarteko ondasunetan (%5,9). Energian jaitsiera dugu (%1,7); eta baita kontsumoko ondasunetan ere (%3,8), kontsumo ez-iraunkorraren ondasunetan (%-4,6) eta iraunkorretan (%-2,4) izandako jaitsierengatik.

2007ko maiatzeko hil arteko aldakuntzak positiboak izan dira 2007ko apirilaren aldean industri sektore handi guztientzat: Ekipoko ondasunetan %3,8ko igoera dugu; bitarteko ondasunetan %1,8koa; energian %0,7koa eta kontsumoko ondasunetan %4,1, apirilaren aldean Kontsumo-ondasunen osagaien artean, kontsumo-ondasun iraunkorrek %0,6ko hil arteko igoera izan dute eta kontsumo-ondasun ez iraunkorrek %6,0koa , apirilaren aldean.

Lurralde Historikoen araberako bilakaera

Lurralde historikoen arabera, Industri Produkzioaren Indizearen urte arteko bilakaerak positiboak izan dira guztietan; Gipuzkoan %5,2 hazi da, Bizkaian %4,1 eta %0,1 Araban.

Hil arteko hazkunde-tasak, 2007ko maiatza apirilaren aldean, positiboak izan dira hiru lurraldeetan: Araban %2,4 hazi zen, Bizkaian %2,5 eta Gipuzkoan %4,2.

Taula: 2007ko MAIATZA. Euskal AEko Industri Produkzioaren Indizearen aldakuntza-tasak (%).

(1) “t” urteko maiatzetik azken hilera arteko aldi metatuaren urte arteko aldakuntza-tasa, t-1 urteko aldi beraren aldean.

Iturria: Eustat.