EUSTATen datuen arabera, Euskal Autonomia Erkidegoan eraikuntzaren kostuen indizeak %0,2ko igoera izan du 2007ko ekainean, aurreko hilabetearen aldean; horrela, hilabete horretako urte arteko tasa %5,4raino igo da. Beste azpisektore batzuek ere izan dituzte gehikuntzak ekainean: eraikuntza %0,2 gehitu da eta obra zibila %0,1. Eraikuntzaren urte arteko tasa %5,6koa izan da eta obra zibilarena %4,5ekoa.

Urte arteko aldakuntza-tasak, 1997-2007

(*) Hazkundea ekainako urte artekoa da

Iturria: EUSTAT

2007ko ekainean laneskuaren kostuak ez du inolako aldaketarik izan (%0,0), aitzitik lehengaien kostuek %0,2ko igoera izan dute.

Eraikuntzaren eta obra zibilaren azpisektoreek antzeko bilakaera izan dute: eraikuntzako lehengaien kostuek %0,3ko igoera izan dute aurreko hilabetearen aldean, eta obra zibiletakoek %0,2koa. Bi azpisektore horien urte arteko bilakaeran, argi ikusten da antzeko joerak izan dituztela baina ezberdintasun batzuekin: eraikuntzako lehengaien kostuak %6,5 gehitu ziren, eta obra zibilekoak %5,1.

Ekainean, prezioen hazkunde handienak, besteak beste, ondoko hauetan kontsumitutako lehengaietan eman dira: kare, igeltsu eta eskaiolan (%4,9), lehergailu eta gasetan (%2,1), metalezko tutuerian (%1,4) eta petrolioaren eratorrietan (%1,2). Ondoko hauetako lehengaien prezioak, berriz, gutxitu egin dira, besteak beste: energia elektrikoa (%-2,8), pinturak eta bernizak (%-0,1), erauzketa-agregakinak (%-0,1) eta gailuak eta material elektrikoa (%-0,1).

Sektorean kontsumitu diren lehengaien prezioari dagokionez, azken hamabi hilabeteetan inflazio-tasa handienak izan dituztenak ondokoak izan dira: beira (%24,0), burdina eta altzairua (%20,2), metalezko tutueria (%17,2), karea, igeltsua eta eskaiola (%8,1). Bestalde, ondoko hauen lehengaien urte arteko prezioak (2006ko ekainetik 2007ko ekainera) murriztu egin dira: asfaltozko produktuak (%-8,4), petrolioaren eratorriak (%-2,8) eta egiturak eta galdaragintza (%-1,4).

Eraikuntzaren kostuen indizea. Euskal AE / Datu aurrerapena. 2007ko ekaina.

Iturria: EUSTAT