EAEko eraikuntzako kostuen indizeak %0,3ko igoera izan du 2007ko otsailean, aurreko hilabetearen aldean; horrela, hilabete horretako urte arteko tasa %5,5eraino igo da, EUSTATen datuen arabera.

Urte arteko aldakuntza-tasak, 1997-2007

(*) Hazkundea otsailako urte artekoa da

Iturria: EUSTAT

2007ko otsailean laneskuaren kostuak ez du inolako aldaketarik izan (%0,0), aitzitik lehengaien kostuek %0,4ko igoera izan dute.

Eraikuntzaren eta Obra Zibilaren azpisektoreek antzeko bilakaera izan dute; bai eraikuntzak bai obra zibilerako lehengaien kostuek %0,4ko gehikuntza izan dute aurreko hilabetearen aldean. Bi azpisektore horien urte arteko bilakaeran, argi ikusten da antzeko ibilbideak izan dituztela baina ezberdintasun batzuekin: eraikuntzako lehengaien kostuak %6,8 gehitu dira, eta obra zibilekoak %5,1.

Otsailean, prezioaren hazkunde handienak, besteak beste, petrolioaren eratorrietan (%4,1), harri landuan (%4,1), asfaltozko produktuetan (%3,5), beiran (%2,9) eta karea, igeltsua eta eskaiolan (%2,2) kontsumitutako lehengaietan eman dira. Ondoko hauetako lehengaien prezioak, berriz, gutxitu egin dira, besteak beste: erabilitako makinen osagarriak (%-2,4), lehergailuak eta gasak (%-1,6), metalezko tutueria (%-0,8) eta gailuak eta material elektrikoa (%-0,2).

Sektorean kontsumitu diren lehengaien prezioari dagokionez, azken hamabi hilabeteetan inflazio-tasa handienak izan dituztenak ondokoak izan dira: burdina eta altzairua (%23,4), energia elektrikoa (%18,4), beira (%18,1) eta metalezko tutueria (%17,4). Bestalde, urte batetik bestera (2006ko otsailetik 2007ko otsailera) honako hauen lehengaien prezioak murriztu egin dira: petrolioaren eratorriak (%-8,2), asfaltozko produktuak (%-7,0) eta garbitzeko materiala (%-0,1).

Eraikuntzaren kostuen indizea. Euskal AE / Datu aurrerapena. 2007ko otsaila.

Iturria: EUSTAT