EAEn eraikuntzako kostuen indizeak %0,4ko igoera izan du 2007ko apirilean, aurreko hilabetearen aldean; horrela, hilabete horretako urte arteko tasa %5,7ra igo da, EUSTATen datuen arabera.

Urte arteko aldakuntza-tasak, 1997-2007

(*) Hazkundea apirilako urte artekoa da

Iturria: EUSTAT

2007ko apirilean laneskuaren kostuak ez du inolako aldaketarik izan (%0,0), aitzitik lehengaien kostuek %0,6ko igoera izan dute.

Eraikuntzaren eta Obra Zibilaren azpisektoreek antzeko bilakaera izan dute: eraikuntzak %0,6ko igoera izan du aurreko hilabetearen aldean, eta Obra Zibilerako lehengaien kostuek %0,7koa. Bi azpisektore horien urte arteko bilakaeran, argi ikusten da antzeko joerak izan dituztela baina ezberdintasun batzuekin: eraikuntzako lehengaien kostuak %7,0 gehitu ziren, eta obra zibilekoak %5,4.

Apirilean, prezioaren hazkunde handienak, besteak beste, petrolioaren eratorrietan (%4,0), asfaltozko produktuetan (%4,0), beiran (%2,9), metalezko tutuerietan (%2,7), burdina eta altzairuan (%2,5), eta lehergai eta gasetan (%1,6) kontsumitutako lehengaietan eman ziren. Ondoko hauetako lehengaien prezioak, berriz, gutxitu egin dira, besteak beste: energia elektrikoa (-%4,6), karea, igeltsua eta eskaiola (-%1,5), erauzketa-agregakinak (-%0,3), zementu artifiziala (-%0,2) eta zura eta kortxoa (-%0,2).

Sektorean kontsumitu diren lehengaien prezioari dagokionez, azken hamabi hilabeteetan inflazio-tasa handienak izan dituztenak ondokoak izan dira: burdina eta altzairua (%24,5), metalezko tutueria (%19,9), beira (%19,0) eta energia elektrikoa (%13,3). Bestalde, ondoko hauen lehengaien urte arteko prezioak (2006ko apiriletik 2007ko apirilera) murriztu egin dira: petrolioaren eratorriak (-%7,3) eta asfaltozko produktuak (-%8,5).

Eraikuntzaren kostuen indizea. Euskal AE / Datu aurrerapena. 2007ko apirila.

Iturria: EUSTAT