EUSTATen datuen arabera, eta lan-egutegi homogeneoari dagokionez, Euskal Autonomia Erkidegoko industri produkzioa 2006ko otsailaren aldean %5,5 hazi da 2007ko otsailean. Urteko lehenengo bi hilabeteetako hazkundea %4,4koa izan da, 2006ko aldi beraren aldean.

2007ko otsailean, eta urtarrilaren aldean, Euskal Autonomia Erkidegoko industri produkzioa %1,4 gehitu da baina estazionalitate-ondorioak zuzendu ostean.

Euskal Autonomia Erkidegoko Industri Produkzioaren Indizearen urte arteko hazkunde zuzendua, hiruhilabeteka

(*) 2007ko urtarrila-otsaila bitarteko urte arteko hazkunde zuzendua

Iturria: Eustat

Sektoreen araberako bilakaera

Sektoreen arabera, eta industri sektore nagusiak sailkatu ostean, 2007ko otsaileko indizearen bilakaera hazi egin da ekipamenduen ondasunetan (%14,6) eta tarteko ondasunetan (%6,1), 2006ko otsailaren aldean. Aitzitik, energia %10,1 gutxitu da eta kontsumo-ondasunak %1,1, hauek kontsumo-ondasun ez iraunkorren (%-3,4) gutxitzearen ondorioz; kontsumo-ondasun iraunkorrak, aldiz, %3,7 gehitu dira.

2007ko urtarrilaren aldean, 2007ko otsailean hil arteko aldakuntzak positiboak izan dira ekipamenduko ondasunen (%2,4), tarteko ondasunen (%1,3) eta kontsumo-ondasunen (%0,3) sektore nagusietan. Kontsumo-ondasunen osagaien artean, kontsumo-ondasun iraunkorrek %3,8ko hil arteko gehikuntza izan dute baina kontsumo-ondasun ez iraunkorrek %1,4 egin dute behera, urtarrilaren aldean. Energia, bestalde, %1,8 gutxitu da aurreko hilabetearen aldean.

Lurralde Historikoen araberako bilakaera

Lurralde historikoen arabera, Industri Produkzioaren Indizearen urte arteko bilakaerak positiboak izan dira sektore guztietan; izan ere, Gipuzkoan %8,0 hazi da, Araban %5,6 eta Bizkaian %3,3.

2007ko otsailean, eta 2007ko urtarrilaren aldean, hil arteko hazkunde-tasak positiboak izan dira hiru lurralde historikoetan: Araban %3,3 gehitu da tasa hori, Bizkaian %1,1 eta Gipuzkoan %0,7.

Taula: 2007KO OTSAILA. Euskal Autonomia Erkidegoko Industri Produkzioaren Indizearen aldakuntza-tasak (%)

(1) t urteko otsailetik azken hilera arte metatutako aldiaren urtetik urterako aldaketa-tasa da, t-1 urteko aldi berberaren aldean.

Iturria: Eustat