EUSTATen datuen arabera, eta lan-egutegi homogeneoari dagokionez, Euskal Autonomia Erkidegoko industri produkzioa 2006ko ekainaren aldean %6,1 hazi da 2007ko ekainean. Urteko lehenengo sei hilabeteetako hazkundea %4,7koa izan da, 2006ko aldi beraren aldean.

2007ko ekainean, eta maiatzaren aldean, Euskal Autonomia Erkidegoko industri produkzioa %1,8 gehitu da baina estazionalitate-ondorioak zuzendu ostean.

Industri jardueraren balantzeak, urteko lehenengo sei hilabeteetan, %4,7ko gehikuntza izan du urte arteko tasan, ekipamenduko ondasunen eta tarteko ondasunen portaera onean oinarriturik; hala ere, energiaren sektoreak eta kontsumo-ondasunen sektoreak tasa negatiboak izan dituzte (batez ere kontsumo-ondasun ez iraunkorrek).

Euskal Autonomia Erkidegoko Industri Produkzioaren Indizearen urte arteko hazkunde zuzendua, hiruhilabeteka

Iturria: Eustat

Sektoreen araberako bilakaera

Sektoreen arabera, eta industri sektore nagusienak sailkatu ostean, 2007ko ekaineko indizearen bilakaera hazi egin da sektore guztietan, 2006ko ekainaren aldean: ekipamenduko ondasunak %7,1 hazi dira; tarteko ondasunak %6,9 igo dira; energia %5,1 igo da, eta kontsumo-ondasunak %0,7 igo dira, kontsumo-ondasun iraunkorrek eta kontsumo-ondasun ez iraunkorrek izandako gehikuntzen ondorioz (%2,8 eta %0,3 hurrenez hurren).

2007ko ekaineko hil arteko aldaketak, 2007ko maiatzaren aldean, positiboak izan dira industriako sektore handi guztietan. Maiatzaren aldean, energia %7,7 igo da, ekipamenduko ondasunak %1,5, tarteko ondasunak %0,1 eta kontsumo-ondasunak %2,6. Kontsumo-ondasunen bi osagaien artean, kontsumo-ondasun iraunkorrek %1,8ko hil arteko igoera izan dute baina kontsumo-ondasun ez iraunkorrek %3,1 egin dute gora, maiatzaren aldean.

Lurralde Historikoen araberako bilakaera

Lurralde historikoen arabera, Industri Produkzioaren Indizearen urte arteko bilakaerak positiboak izan dira hiru lurraldeetan; izan ere, Bizkaian %7,7 da indize hori, Gipuzkoan %5,7 eta Araban %3,8.

2007ko ekainean, eta 2007ko maiatzaren aldean, hil arteko tasak positiboak izan dira hiru lurralde historikoetan: Araban %3,8 gehitu dira, Bizkaian %1,4 eta Gipuzkoan %1,1.

Taula: 2007ko EKAINA. Euskal Autonomia Erkidegoko Industri Produkzio Indizearen aldaketa-tasak (%)

(1) t urteko urtarriletik azken hilera arte metatutako aldiaren urtetik urterako aldaketa-tasa da, t-1 urteko aldi berberarekin erkatuta.

Iturria: Eustat