Euskal AEko ostalaritza-establezimenduetan, 181.180 bidaiari-sarrera erregistratu ziren 2007ko urrian, Eustatek landutako datuen arabera.

Aurreko urteko hil berean baino %4 gutxiago. Bidaiarien sarrerak %14 jaitsi ziren Araban eta %4 Gipuzkoan; Bizkaiak lehengoan dirau, %0, 2006ko urriko datuen aldean.

Estatutik datozen bidaiarien sarrerak %9 jaitsi ziren eta atzerriko bidaiarienak, ostera, %10 igo. Estatutik etorritako bidaiarien kopurua jaitsi egin zen hiru herrialdeetan: Araban %20, Bizkaian %6 eta Gipuzkoan %8. Atzerritik datozen bidaiarien kopurua igo egin da hiru herrialdeetan: Araban %11, Bizkaian %16 eta Gipuzkoan %4.

Estatutik etorritako bidaiarien artean, gehitu egin ziren, besteak beste, Asturiastik, Errioxatik, Gaztela-Mantxatik, eta Gaztela eta Leondik etorritakoak. Gutxitu egin ziren, besteren artean, Katalunia, Madrildik, eta Kantabriatik etorritakoak. Atzerriko bidaiarien artean, gehitu egin ziren Alemaniatik, Italiatik eta Erresuma Batutik etorritakoak; urritu egin ziren, aldiz, Belgikatik eta Suediatik etorritakoak.

2007ko urrian erregistraturiko gaualdiak 338.528 dira, hau da, iazko urriaren aldean %8ko jaitsiera eta ia 28.000 gaualdi gutxiago. Gaualdiek urte arteko bilakaera negatiboa izan zuten hiru lurraldeetan: %17 jaitsi ziren Araban, %7 Bizkaian eta %5 Gipuzkoan.

Euskal AE osotara hartuta, 2007ko urrian bidaiarien batez besteko egonaldia %4 laburtu eta 1,95 egunetik 1,87ra pasa zen.

2006ko urriaren aldean, plazakako betetze mailan %9ko jaitsiera izan da eta %7koa gelakakoan. Plazakakoa %51,91etik %47,08ra jaitsi da eta gelakakoa %63,24tik %59,01era. Galera hau hiru lurraldeetan gertatu zen.

NEKAZALTURISMOA

Gehitu egin ziren bidaiarien sarrerak (%6) eta gaualdiak jaitsi(%-6) 2007ko urrian.

Euskal AEko nekazalturismoko establezimenduetan, 9.419 bidaiari-sarrera zenbatu dira joan den urrian, aurreko urteko hil berean baino %6 gehiago: %16 ugaritu dira Araban, %5 Bizkaian eta %3 Gipuzkoan. Estatutik etorritako bisitariak %4 gehitu ziren Euskal AEn, eta atzerritik etorritakoak %35.

Euskal AEko nekazalturismoko establezimenduetan egindako gaualdiak 22.379 izan ziren 2007ko urrian, 2006ko hil berean baino %6 gutxiago. Urte arteko hazkunde-tasak positiboak izan ziren Araban (%13), eta negatiboak Bizkaian (%-18), eta Gipuzkoan (%-4).

Bidaiariko batez besteko egonaldia 2,68 egunetik 2,38 egunera murriztu zen azken urrian.

Plazakako betetze-maila%13 jaitsi zen eta gelakakoa %15.

1. taula: Hileko emaitzak

Iturria: EUSTAT