EUSTATen datuen arabera, Euskal Autonomia Erkidegoko ekonomiak sortu duen BPGk %4,2ko hazkunde erreala izan zuen 2006. urtean. 2006ko hazkunde tasa hori Espainiako ekonomia (%3,9) baino ehuneko hiru hamarren handiagoa izan zen, 13 kideko Diru Batasunarena (%2,8) baino ehuneko puntu bat eta lau hamarren handiagoa, EB-27en ekonomia (%3,0) baino ehuneko puntu bat eta bi hamarren handiagoa eta AEBko ekonomia (%2,9) baino ehuneko puntu bat eta hiru hamarren handiagoa.

Euskal ekonomiak 2000. urtetik izan duen bilakaera aztertzean honako datuak ateratzen dira: laurogeita hamargarren hamarkadaren amaieran BPG nabarmen gehitu zen, urtean ia %5, baina 2000. urtean hazkunde erreala %5,2koa izan zen; aurrerantzean, desazelerazioa izan zen 2002. urtera arte, urte honetan tasa erreala %2,4koa izan baitzen. 2003. urteaz gero hazkunde tasak etengabe gehitzen joan ziren; hazkunde horren goren puntua 2006. urtean eman zen, gainera, %4,2ko hazkunde tasarekin.

2000-2006 aldian euskal ekonomia %22,6 gehitu da, hau da, urteko tasa erreal pilatua %3,4koa izan da. Espainiako ekonomiak hazkunde pixka bat txikiagoa izan du, %22,0koa; bere urteko tasa %3,4koa izan da. Ondoren, baina bien arteko tarte handiarekin, AEBk %2,4ko urteko tasa izan du eta 27 kideko Europar Batasunak %2,0koa aldi berean.

1. grafikoa. BPG merkatu-preziotan. Urte arteko hazkunde-tasak. (%)

Iturria: Kontu Ekonomikoak, Eustat.

Estatuari buruzko datuak: INE. EB-27, Euro Zona-13 eta AEBko datuak: Eurostat.

1. taula.- BPGren hazkunde indizea. 2000. urtea=100

Iturria: Kontu Ekonomikoak, Eustat.

Estatuari buruzko datuak: INE. EB-27, Euro Zona-13 eta AEBko datuak: Eurostat

Biztanleko BPGren bilakaera erosteko ahalmenaren parekotasuna (EAP) kontuan hartuta aztertzen badugu, aldiz, beste datu hauek lortzen dira: 2000aren aldean 2006an aipatutako ahalmena gehien gehitu duen lurraldeetako bat Euskal Autonomia Erkidegoa da, %11,4 gehiago gehitu baita ahalmen hori EAEn; Irlandan %12,7 gehitu da eta Grezian %11,4. Hazkunderik handiena Luxemburgen eman da (%33,6); aitzitik, 2000. urtean aberatsenak ziren herrialdeek atzera egin dute aldi horretan: Italian %13,7 gutxitu da ahalmen hori, Danimarkan %5,5, Alemanian %5,3 eta Suedian %5,1.

2.taula: biztanleko BPGaren bilakaera (EAP)

Iturria: Kontu Ekonomikoak, Eustat. Estatuari buruzko datuak: INE. EB-25en eta AEBen datuak: Eurostat

METODOLOGIARI BURUZKO OHARRA: prentsa-ohar honetan ematen diren datuak lortzeko kontuan hartu behar da kontu ekonomikoen sistemak bost urtero eguneratzen eta hobetzen direla eta 0 eta 5 zenbakien amaiera duten urteetako input-output ereduaren taulak egin direla (kasu honetan 2005. urtekoa). Eustaten webgunean daude 1980. urteaz geroko agregatu makroekonomiko nagusienen serieak.