EUSTATen datuen arabera, eta lan-egutegi homogeneoari dagokionez, Euskal Autonomia Erkidegoko industri produkzioa aurreko urteko hilabete beraren aldean %1,8 hazi da 2007ko irailean. Urteko lehenengo bederatzi hilabeteetako hazkundea %3,6koa izan da, 2006ko aldi beraren aldean.

2007ko irailean, eta abuztuaren aldean, Euskal Autonomia Erkidegoko industri produkzioa %1,6 gutxitu da baina estazionalitate-ondorioak zuzendu ostean.

Industri jardueraren balantzeak, urteko lehenengo bederatzi hilabeteetan, %3,6ko gehikuntza izan du urte arteko tasan, ekipamenduko ondasunen eta tarteko ondasunen portaera onean oinarriturik; hala ere, energiaren sektoreak eta kontsumo-ondasunen sektoreak tasa negatiboak izan dituzte (batez ere kontsumo-ondasun ez iraunkorrek).

Euskal Autonomia Erkidegoko Industri Produkzioaren Indizearen urte arteko hazkunde zuzendua, hiruhilabeteka

Iturria: Eustat

Sektoreen araberako bilakaera

Sektoreen arabera, eta industri sektore nagusiak sailkatu ostean, 2007ko iraileko urte arteko indizearen bilakaera hazi egin da ekipamenduko ondasunetan (%5,9) eta tarteko ondasunetan (%2,3), 2006ko irailaren aldean. Kontsumo-ondasunak %2,2 jaitsi dira, kontsumo-ondasun iraunkorrek (%-3,1) eta kontsumo-ondasun ez iraunkorrek (%-1,8) ere behera egin dutelako. Energiaren sektorea %5,8 jaitsi da aldi horretan.

2007ko iraileko hil arteko aldaketak, 2007ko abuztuaren aldean, negatiboak izan dira industriako sektore handi guztietan. Ekipamenduko ondasunak %3,4 jaitsi dira, energia %1,8, tarteko ondasunak %0,9 eta kontsumo-ondasunak %2,7. Kontsumo-ondasunen osagaien artean, kontsumo-ondasun iraunkorrek %4,6ko hil arteko jaitsiera izan dute eta kontsumo-ondasun ez iraunkorrek %1,8 egin dute behera.

Lurralde Historikoen araberako bilakaera

Lurralde historikoen arabera, Industri Produkzioaren Indizearen urte arteko bilakaerak positiboak izan dira sektore guztietan; izan ere, Gipuzkoan %3,5 hazi da indize hori, Araban %1,1 eta Bizkaian %0,7.

2007ko irailean, eta 2007ko abuztuaren aldean, hil arteko tasak positiboak izan dira hiru lurralde historikoetan: %2,2 jaitsi da Gipuzkoan, %2,0 Araban eta %0,9 Bizkaian.

Taula: 2007ko IRAILA. Euskal Autonomia Erkidegoko Industri Produkzio Indizearen aldaketa-tasak (%)

t urteko urtarriletik azken hilera arte metatutako aldiaren urtetik urterako aldaketa-tasa da, t-1 urteko aldi berberarekin erkatuta.

Iturria: Eustat