2007ko abuztuan, Euskal AEko Eraikuntzaren Kostuen Indizea (%0,0) ez zen aldatu, aurreko hilaren aldean, eta abuztuko urte arteko tasa %5,0ra iritsi zen, EUSTATen datuen arabera.

Abuztuan Eraikuntzako azpisektoreak egonkor iraun zuen (%0,0) eta Obra Zibilekoa %0,1 hazi zen; urte arteko tasak %5,1 eta %4,6 izan ziren, hurrenez hurren.

Urte arteko aldakuntza-tasak, 1997-2007

(*) Hazkundea abuztuko urte artekoa da

Iturria: EUSTAT

2007ko abuztuan, lan-eskuaren kostua ez da aldatu (%0,0); ezta ere lehengaien kostuak (%0,0).

Eraikuntza eta Obra Zibila azpisektoreek antzeko bilakaera izan zuten: aurreko hilaren aldean %0,0 igo zen Eraikuntzako lehengaien kostua eta %0,1 Obra Zibilekoa. Azken honen pisu erlatiboa txikiagoa da Eraikuntzarena baino. Azpisektore bien urteko bilakaeran ikusten denez, biek antzeko joerak izan dituzte baina indar ezberdinez: eraikuntzako lehengaien kostuak %5,8, hazi dira, eta obra zibilekoak, %5,3.

Abuztuan, prezio hazkunderik handienak kontsumitutako honako lehengaiek izan zituzten: energia elektrikoa (%4,0), beira (%2,3), ateratze agregakinak (%0,6), zementu artifiziala (%0,5) eta metalezko hoditeria (%0,5), besteren artean. Aitzitik, beste lehengai batzuen prezioak jaitsi egin dira, hala nola petroliotik eratorritakoak (%-1,9), asfaltoproduktuak (%-1,5) karea, igeltsua eta eskaiola (%-1,4), leherkariak eta gasak (%-1,1) eta burdina eta altzairua (%-0,5) lehengaienak besteak beste.

Sektorean kontsumitu diren lehengaien prezioari dagokionez, azken hamabi hilabeteetan inflazio-tasa handienak izan dituztenak ondokoak izan dira: beira (%24,6), metalezko hoditeria (%17,5), burdina eta altzairua (%14,6), eta zementu artifiziala (%6,7). Bestalde, urte batetik bestera (2006 abuztutik 2007ko abuztura) honako hauen lehengaien prezioak murriztu dira, nagusiki: asfaltozko produktuak (%-10,5), petrolioaren eratorriak (%-4,0), egiturak eta galdaragintza (-%0,9).

Eraikuntzaren kostuen indizea. Euskal AE / Datu aurrerapena. 2007ko abuztua.

Iturria: EUSTAT