2007ko irailean, Euskal AEko Eraikuntzaren Kostuen Indizea %0,3 jaitsi zen, aurreko hilaren aldean, eta irailerako urte arteko tasa %4,0ra iritsi zen, EUSTATen datuen arabera.

Irailean Eraikuntzako azpisektorea %0,3 murriztu zen eta Obra Zibilekoa %0,1; urte arteko tasa %4,0 izan zen bietarako.

Urte arteko aldakuntza-tasak, 1997-2007

(*) Hazkundea iraileko urte artekoa da

Iturria: EUSTAT

2007ko irailean, lan-eskuaren kostua ez da aldatu (%0,0); lehengaien kostuak %0,4 jaitsi dira.

Eraikuntza eta Obra Zibila azpisektoreek antzeko bilakaera izan zuten: aurreko hilaren aldean %0,4 jaitsi zen Eraikuntzako lehengaien kostua eta %0,1 Obra Zibilekoa. Azken honen pisu erlatiboa txikiagoa da Eraikuntzarena baino. Azpisektore bien urte arteko bilakaerek antzeko joerak izan zituzten: eraikuntzako lehengaien kostuak %4,3, hazi dira, eta obra zibilekoak, %4,4.

Irailean prezio hazkunderik handienak kontsumitutako honako lehengaiek izan zituzten: petroliotik eratorritakoak (%3,6), asfalto-produktuak (%3,0), beira (%1,6) eta karea, igeltsua eta eskaiola (%1,0) lehengaiek. Aitzitik, hileko prezioetan murrizketak izan zituzten energia elektrikoa (% -5,1), burdina eta altzairua (% -2,5) eta plastikozko hoditeria (% -1,2) lehengaiek.

Sektorean kontsumitu diren lehengaien prezioari dagokionez, azken hamabi hilabeteetan inflazio-tasa handienak izan dituztenak ondokoak izan dira: beira (%25,1), metalezko hoditeria (%11,8), petroliotik eratorritakoak (%10,5), burdina eta altzairua (%7,3), eta zementu artifiziala (%6,1). Bestalde, urte batetik bestera (2006ko irailetik 2007ko irailera) honako hauen lehengaien prezioak murriztu egin dira: egiturak eta galdaragintza (%-1,3), asfaltozko produktuak (%-0,8), aparatuak eta material elektrikoa (%-0,7).

Eraikuntzaren kostuen indizea. Euskal AE / Datu aurrerapena. 2007ko iraila.

Iturria: EUSTAT