2007ko urrian, Euskal AEko Eraikuntzaren Kostuen Indize Orokorra %0,3 jaitsi zen, aurreko hilaren aldean, eta urriko urte arteko tasa %4ra iritsi zen, EUSTATen datuen arabera.

Eraikuntzaren azpi-sektorea %0,4 jaitsi zen eta Obra Zibilarena %0,1 urrian; urte arteko tasa %3,9 izan zen Eraikuntzan eta %4,2 Obra Zibilean.

Urte arteko aldakuntza-tasak, 1997-2007

(*) Hazkundea urriko urte artekoa da

Iturria: EUSTAT

2007ko urrian, lan-eskuaren kostua ez da aldatu (%0,0); lehengaien kostuak, berriz, %0,5 jaitsi dira.

Eraikuntza eta Obra Zibila azpisektoreek antzeko bilakaera izan zuten: aurreko hilaren aldean %0,6 jaitsi zen Eraikuntzako lehengaien kostua eta %0,2 Obra Zibilekoa. Azken honen pisu erlatiboa txikiagoa da Eraikuntzarena baino. Azpisektore bien urte arteko bilakaerek antzeko joerak izan zituzten: Eraikuntzako lehengaien kostuak %4,1 hazi dira, eta Obra zibilekoak %4,6.

Urrian prezio hazkunderik handienak kontsumitutako honako lehengaiek izan zituzten: asfalto-produktuak (%2,0), petroliotik eratorritakoak (%1,9), erabilitako makineriaren osagarriak (%1,6) eta burdingintzako gaiak (%1,6), besteren artean. Aitzitik, hileko prezioetan murrizketak izan zituzten, besteak beste, beira (%-2,3), burdina eta altzairua (%-3,1), eta karea, igeltsua eta eskaiola (%-2,3) lehengaiek.

Sektorean kontsumitu diren lehengaien prezioari dagokionez, azken hamabi hilabeteetan inflazio-tasa handienak izan dituztenak ondokoak izan dira: beira (%21,3), petroliotik eratorritakoak (%15,1), metalezko hoditeria (%9,0), asfalto-produktuak (%7,6), eta zementu artifiziala (%5,7). Bestalde, urte batetik bestera (2006ko urritik 2007ko urrira) honako hauen lehengaien prezioak murriztu ego gutxiago igo dira: egiturak eta galdaragintza (%-1,5), zeramika produktuak (%0,0), eta energia elektrikoa (%0,1).

Eraikuntzaren kostuen indizea. Euskal AE / Datu aurrerapena. 2007ko urria.

Iturria: EUSTAT