EUSTATek landutako datuen arabera, 2007ko uztailean, lan egutegiko termino homogeneotan %1,3an murriztu zen Euskal AEko industri produkzioa, 2006ko hil beraren aldean. Urteko lehen zazpi hilabeteetan %3,7ko hazkunde metatua egon da, 2006ko aldi beraren aldean.

Urtaroen eragina zuzenduta, 2007ko uztailean %4,3an murriztu zen Euskal AEko industri produkzioa, aurreko hilarekin alderatuta.

Industri jardueraren balantzea urteko lehen zazpi hiletan urte arteko %3,7ko hazkundearekin ixten da; ekipoko eta bitarteko ondasunek jokaera azpimarragarria izan dute; berriz, energiako sektorean eta kontsumoko ondasunenean tasa negatiboak izan dira (batez ere kontsumo ez iraunkorraren ondasunetan).

Euskal Autonomia Erkidegoko Industri Produkzioaren Indizearen urte arteko hazkunde zuzendua, hiruhilabeteka

(*) 2007ko uztaileko urte arteko hazkunde zuzendua

Iturria: Eustat.

Sektoreen araberako bilakaera

Sektoreka, eta industri sektore handien sailkapenetik, 2007ko uztaileko indizearen bilakaeran, 2006ko uztailaren aldean, hazkundea Ekipoko ondasunetan bakarrik daukagu (%3,3). Bitarteko ondasunetan (%-2,1) eta Energian (%-2,8) jaitsiera dugu eta baita Kontsumoko ondasunetan ere (%-7,3), kontsumo iraunkorraren ondasunetan (%-8,0) eta ez-iraunkorretan (%-7,0) izandako jaitsierengatik.

2007ko uztaileko hil arteko aldakuntzak negatiboak izan dira 2007ko ekainaren aldean industri sektore handi guztientzat: Energian %2,8ko jaitsiera dugu; Ekipoko ondasunetan %3,2koa; Bitarteko ondasunetan %3,7koa; eta Kontsumoko ondasunetan %5,3koa, ekainaren aldean Kontsumo-ondasunen osagaien artean, Kontsumo-ondasun iraunkorrek %8,6ko hil arteko jaitsiera izan dute eta Kontsumo-ondasun ez iraunkorrek %3,6koa, ekainaren aldean.

Lurralde Historikoen araberako bilakaera

Lurralde historikoen arabera, Industri Produkzioaren Indizearen urte arteko bilakaerak joera ezberdinak izan ditu: Gipuzkoan %0,6 hazi da, eta Bizkaian (%-0,7) eta Araban (%-5,9) jaitsi egin da. Arabako datu zuzenduek Gasteizko Santio festa egunaren ondorioak jasotzen dituzte, 2007ko uztailean.

Hil arteko tasak, 2007ko uztaila ekainaren aldean, negatiboak izan dira hiru lurraldeetan: Araban %7,9 murriztu dira, %3,5 Bizkaian eta Gipuzkoan %3,2.

Taula: 2007ko UZTAILA. Euskal Autonomia Erkidegoko Industri Produkzio Indizearen aldaketa-tasak (%)

(1) t urteko urtarriletik azken hilera arteko aldi metatuaren urte arteko aldakuntza-tasa, aurreko urteko t-1 aldi beraren aldean.

Iturria: Eustat