EUSTATen datuen arabera, eta lan-egutegi homogeneoari dagokionez, Euskal Autonomia Erkidegoko industri produkzioa 2006ko hil beraren aldean %1,7 hazi da 2007ko urrian. Urteko lehen hamar hilabeteetan %3,4ko hazkunde metatua izan da, 2006ko aldi beraren aldean.

Urtaroen eragina zuzenduta, 2007ko urrian %0,2 hazi zen Euskal AEko industri produkzioa, aurreko hilarekin alderatuta.

Industri jardueraren balantzea urteko lehen hamar hiletan urte arteko %3,4ko hazkundearekin ixten da; ekipoko eta bitarteko ondasunek jokaera azpimarragarria izan dute; berriz, energiako sektorean eta kontsumoko ondasunenean tasa negatiboak izan dira (batez ere kontsumo ez iraunkorraren ondasunetan).

Euskal AEko Industri Produkzioaren Indizearen urte arteko hiruhileroko hazkunde zuzendua

Iturria: Eustat

Sektoreen araberako bilakaera

Sektoreen arabera, eta industri sektore nagusiak sailkatu ostean, 2007ko urriko indizearen bilakaera hazi egin da ekipamenduen ondasunetan (%4,0) eta tarteko ondasunetan (%3,1), 2006ko urriaren aldean. Kontsumo-ondasunak %4,6 hazi dira; kontsumo-ondasun iraunkorren prezioak %1,8 jaitsi ziren, eta kontsumo-ondasun ez-iraunkorrenak %8,2 igo. Energiaren sektorean %10,3ko jaitsiera izan da aldi berean.

2007ko urriko hil arteko aldakuntzak positiboak izan dira 2007ko irailaren aldean industri sektore handi guztientzat, Energiarentzat izan ezik, zeina %5,9 jaitsi baita. Ekipo-ondasunak %0,2 igo dira, kontsumo-ondasunak %3,2 eta bitarteko ondasunak % 1,0. Kontsumo-ondasunen osagaien artean, kontsumo-ondasun iraunkorrek %2,0ko hil arteko igoera izan dute eta kontsumo-ondasun ez iraunkorrek %3,7koa.

Lurralde Historikoen araberako bilakaera

Lurralde historikoen arabera, Industri Produkzioaren Indizearen urte arteko bilakaerak positiboak izan dira Gipuzkoan (%3,1) eta Araban (%3,3). Bizkaian %0,4ko jaitsiera izan da.

Hil arteko tasak, 2007ko urria irailaren aldean, positiboak izan dira Araban (%0,2) eta Gipuzkoan (%1,2); Bizkaian %0,6ko jaitsiera izan da.

Taula: 2007ko URRIA. Euskal AEko Industri Produkzioaren Indizearen aldakuntza-tasak (%).

(1) t urteko urtarriletik azken hilera arteko aldi metatuaren urte arteko aldakuntza-tasa, t-1 urtearen aldi beraren aldean

Iturria: Eustat