2007ko bigarren hiruhilekoan, Euskal AEn 5.063 haur jaio ziren, iazko aldi berean baino pittin bat gehiago, EUSTATen datuen arabera. Lurraldez lurralde, Araban 751 haur jaio ziren, Bizkaian 2.562, eta Gipuzkoan 1.750.

Ezkontzaz kanpo jaioek guztizkoaren %27,1 hartu zuten, eta bost puntu igo ziren 2006ko bigarren hiruhilekoaren aldean. Bizkaia (%29,4) izan zen Euskal AEko kopuru orokorra baino handiagoa izan zuen lurralde bakarra. Araban eta Bizkaian ehunekoak pixka bat txikiagoak dira, %26,6 eta %24 hurrenez hurren.

Jaiotza-hurrenkeraren arabera, 2007ko bigarren hiruhilekoan jaioen erdiak baino gehiago, hots, 2.862 haur, lehenengoak izan ziren; 1.818 haur (%35,9) aurretik beste bat bazen familietara iritsi ziren; eta hirugarren eta ondorengo seme-alabak %7,6ra iritsi ziren. Bizkaian (%40,2), bigarren eta ondorengo seme-alaben kopurua Euskal AEko batez bestekoa (%43,5) baino txikiagoa izan zen, eta hori herrialde horretan baino ez zen gertatu. Aitzitik, Araban eta Gipuzkoan ehuneko hori gainditu egin zen, %44,6ko eta %47,8ko ehunekoak izan baitzituzten, hurrez hurren.

Lau jaiotzatatik hirutan amak 30 urte baino gehiago izan zituen

Jaiotzak amaren adinaren arabera banatuz gero, oraindik ere nagusi da 3034 urteko amen taldea. Beraiek izan ziren, bigarren hiruhilekoan ere erditu zirenen ia erdiak. Ondoren, goragoko taldea dago, hau da, 3539 urte artekoa (%26,1) eta 2529ko taldea beherago geratu da, erditzeen %17,5 ekarri baititu. Muturreko adinak dituzten taldeetan, 25 urtez behera amatu zirenak %6 izan ziren, eta 40 urtez gorakoen taldeak, berriz, jaiotzen %4,5 besterik ez zuen ekarri.

Talde horren erditze-adina haurrak eduki zituzten amen multzo osoarena baino txikiagoa izan zen, ama ezkongabeen %15,7 25 urtetik beherakoak baitziren, eta 25-29 urteen artekoak %22,7.

1.- taula: Bizirik jaioak Euskal AEn. Taula konparatiboa.

1. grafikoa: Jaiotzen hilez hileko mugimendua.

Oinarria 100 =b.b. Iturria: EUSTAT