EUSTATek egindako Jaiotzen Estatistikako 2007ko lehen hiruhilekoko datuetan, 4.858 jaio jaso ziren, hots, iazko aldi berean izandakoen antzeko kopurua. Lurraldez lurralde, Araban 707 haur jaio ziren, Bizkaian 2.462, eta Gipuzkoan 1.689.

Jaiotza-hurrenkeraren arabera, 2007ko lehen hiruhilekoan, erdiak baino gehiago, 2.778 haur, lehenengo seme-alabak izan ziren; 1.740 (%35,8) aurretik beste bat bazen familietara iritsi ziren; eta hirugarren eta ondorengo seme-alaben portzentajea %7ra iritsi zen.

Jaiotzak amaren adinaren arabera banatzen baditugu, ikusiko dugu 3034 urteko amen taldea oraindik ere nagusi dela argi eta garbi, haien artean gertatu baitziren erditzeen ia erdiak. Ondoren, goragoko taldea dago, hau da, 3539 urte artekoa (%27,3) eta 2529ko taldea beherago geratu da, erditzeen %16,8 ekarri baititu. Muturreko adinak dituzten taldeetan, 25 urtez behera amatu zirenak %6,2 izan ziren, eta 40 urtez gorakoen taldeak, berriz, jaiotzen %5 ekarri zuen.

Ama ezkongabe gehiago dago

Ezkontzaz kanpo jaioek guztizkoaren %26,7 hartzen dute, eta bi puntu igo dira 2006ko lehenengo hiruhilekoaren aldean. Gipuzkoa (%25,4) izan da Euskal AEko kopuru orokorra baino txikiagoa izan duen lurralde bakarra. Talde horren erditze-adina haurrak eduki zituzten amen multzo osoarena baino txikiagoa izan zen, ama ezkongabeen %16,5 25 urtetik beherakoak baitziren.

1. taula: Bizirik jaioak Euskal AEn. Taula konparatiboa.

1. grafikoa: Jaiotzen hilez hileko mugimendua.