2008ko urtarrilean, 119.493 bidaiari-sarrera erregistratu ziren Euskal AEko hotel-establezimenduetan, aurreko urteko hil berean baino 11.000 sarrera gehiago, hau da, %10eko gehikuntza, Eustatek eskainitako datuen arabera. Arabara eta Gipuzkoara heldutako bidaiari kopurua %13 gehitu da eta Bizkairakoa %7.

Estatutik etorritako bidaiarien sarrerek %11ko gehikuntza izan dute eta atzerritik etorritakoen sarrerek %9koa. Estatutik datozen bidaiarien kopurua hiru herrialdeetan igo da : Araban %15, Gipuzkoan %11 eta Bizkaian %9. Atzerriko bidaiarien kopurua igo ere egin da hiru herrialdeetan: %22 Gipuzkoan, %7 Araban eta %1 Bizkaian.

Estatutik etorritako bidaiarien artean, gehitu egin ziren, besteak beste, Kataluniatik, Madrildik eta Andaluziatik etorritakoak. Gutxitu egin ziren Balearretatik, Kanariarretatik, Murtziatik eta Nafarroatik etorritakoak. Atzerriko bidaiarien artean, gehitu egin ziren Frantziatik, Italiatik, Portugaldik, Alemaniatik, Iberoamerikatik eta Belgikatik etorritakoak; urritu egin ziren Erresuma Batutik eta Estatu Batuetatik nahiz Kanadatik etorritakoak.

Gaualdiak, 2008eko urtarrilean, 218.959 izan ziren, aurreko urteko urtarrilean baino %11 gehiago, hots, 22.000 pasa gaualdi gehiago. Gaualdiek urte batetik bestera bilakaera positiboa izan dute hiru lurraldeetan: Araban %6 gehitu dira, Bizkaian %10 eta Gipuzkoan %15.

Euskal AE osotara hartuta, bidaiarien batez besteko egonaldia 2007ko urtarrileko 1,82 egunetik aurtengo 1,83 egunera pasa da. Araban %-6 murriztu da; Bizkaian eta Gipuzkoan %2 hazi.

Plazakako betetze-maila %7 igo eta iazko urtarrileko %31,08tik aurtengo urtarrileko %33,25era pasa da. Igotze hori Gipuzkoan (%9) eta Bizkaian (%8) gertatu zen; Araban apalkiago (%1).

Nekazalturismoa: Jaitsi egin ziren bidaiarien sarrerak (%-1) eta gaualdiak (%-8)

Joan den urtarrilean 4.178 bidaiari izan dira Euskal AEko nekazalturismoetan, hots, aurreko urteko hilabete berean baino %1 gutxiago; bidaiari kopurua %10 gehitu da Gipuzkoan baina gutxitu egin da Bizkaian (%-8) eta Araban (%-12). Estatutik etorritako bisitariak %-5 gutxitu ziren Euskal AEn: Araban %-22 jaitsi ziren, %-8 Bizkaian; igo egin ziren, %5, Gipuzkoan. Euskal AEn %69 atzerritar gehiago izan da: Bizkaian %-13 murriztu dira, eta Araban eta Gipuzkoan (ehunekoak aintzat hartuta) nabarmen egin dute gora.

Euskal AEko nekazalturismoko establezimenduetan egindako gaualdiak 10.511 izan dira urtarrilean, lehengo urteko hil berean baino %-8 gutxiago. Urte arteko hazkunde-tasa positiboak izan dira Gipuzkoan (%10), baina negatiboak Araban (%-32) eta Bizkaian (%-18).

Bidaiarien batez besteko egonaldiaren iraupena murriztu egin da Euskal AEn, 2007ko urtarrilaren aldean; hain zuzen, duela urtebete 2,70 eguneko batez bestekoa izan zen eta aurtengoan 2,52koa. Bilakaera negatibo hau Araban eta Bizkaian izan da; Gipuzkoak lehengoan dirau.

Plazakako betetze-maila, azkenik, %14 jaitsi zen; Araban (%-36) eta Bizkaian (%-26) izandako beherakaden ondorioz. Gipuzkoan %5 hazi da.

1. taula: Hileko emaitzak

Iturria: EUSTAT