Eustatek eskainitako datuen arabera, 2007ko azaroan 161.959 bidaiari-sarrera erregistratu ziren Euskal AEko hotel-establezimenduetan, aurreko urteko hil berean baino 8.000 sarrera gehiago, hots, %5 gehiago. Bidaiarien sarrerak jaitsi egin ziren Araban (%13), baina igo Bizkaian (%11) eta Gipuzkoan (%7), 2006ko azaroko datuen aldean.

Estatutik datozen bidaiarien sarrerak %2 igo ziren eta atzerriko bidaiarienak%17. Estatutik etorritako bidaiarien kopurua %15 jaitsi zen Araban; Bizkaian %7 igo eta Gipuzkoan %3. Atzerriko bidaiarien kopurua Bizkaian eta Gipuzkoan igo egin da (%20,0) eta Araban gutxiago izan dira (%-2).

Estatutik etorritako bidaiarien artean, gehitu egin ziren, besteak beste, Kataluniatik, Gaztela eta Leondik, Galiziatik, Valentziatik eta Nafarroatik etorritakoak, batez ere. Gutxitu egin ziren, besteren artean, Madrildik, Asturiastik, Gaztela-Mantxatik eta Kantabriatik etorritakoak. Atzerriko bidaiarien artean, gehitu egin ziren Frantziatik, Portugaldik, Italiatik eta Erresuma Batutik etorritakoak; urritu egin ziren, aldiz, Herbehereetatik, AEB-Kanadetatik eta Japoniatik etorritakoak.

2007ko azaroan erregistraturiko gaualdiak 303.943 izan ziren, hau da, iazko azaroaren aldean %8ko gehikuntza eta ia 24.000 gaualdi gehiago. Gaualdiek urte arteko bilakaera positiboa izan zuten Bizkaian (%9) eta Gipuzkoan (%14) baina Araban (%6) gutxitu ziren.

Euskal AE osotara hartuta, 2007ko azaroan bidaiarien batez besteko egonaldia %3 luzatu eta 1,82 egunetik 1,88ra pasa zen.

2006ko azaroaren aldean, plazakako betetze mailan %8ko igoera izan da eta %9koa gelakakoan. Plazakakoa %41,57tik %44,70ra igo da eta gelakakoa %53,41etik %58,25era. Igoera hau hiru lurraldeetan gertatu zen.

NEKAZALTURISMOA

Gehitu egin ziren bidaiarien sarrerak (%22) eta gaualdiak (%24) 2007ko azaroan

Euskal AEko nekazalturismoko establezimenduetan, 7.210 bidaiari-sarrera zenbatu dira joan den azaroan, aurreko urteko hil berean baino %22 gehiago: %39 ugaritu dira Araban, %37 Bizkaian eta %6 Gipuzkoan. Estatutik etorritako bisitariak %21 gehitu ziren Euskal AEn, eta atzerritik etorritakoak %35.

Euskal AEko nekazalturismoko establezimenduetan egindako gaualdiak 19.336 izan ziren azaroan, 2006ko hil berean baino %24 gehiago. Urte arteko hazkunde-tasak positiboak izan ziren herrialde guztietan: Araban %46 hazi zen, Bizkaian %21 eta Gipuzkoan %18.

Bidaiariko batez besteko egonaldia 2,64 egunetik 2,68 egunera handitu zen azkeneko azaroan.

Plazakako betetze-maila %18 hazi da, eta gelakakoa %11.

1. taula: Hileko emaitzak

Iturria: EUSTAT