2007ko abenduan, eta azaroarekin alderatuta, Euskal AEko Eraikuntzaren Kostuen Indizea %0,2 jaitsi zen EUSTATen datuen arabera. 2007. urte osoko tasak %3,5eko igoera izan zuen 2006ko abenduaren aldean.

Urte arteko aldakuntza-tasak, 1997-2007

Iturria: EUSTAT

Urte arteko aldian (2006ko abendutik, 2007ko abendura), lan-eskuaren kostua %4,2 handitu da eta lehengaien kostuak, berriz, %3,2.

Abenduan Eraikuntza eta Obra Zibila azpisektoreek antzeko bilakaera izan zuten lehengaien kostuari dagokionez. Eraikuntzaren atalean %0,2ko jaitsiera aurreko hilaren aldean, eta Obra Zibilaren atalean lehengaien kostuak %0,4 jaitsi ziren. Azpisektore bien urteko bilakaeran ikusten denez, biek gora egin dute baina indar ezberdinez: Eraikuntzako lehengaien kostuak %2,8 hazi ziren, eta Obra zibilekoak, berriz, %4,7.

Sektoreak kontsumitutako lehengaien artetik, 2007an hauek izan zituzten inflaziotasarik handienak: petroliotik eratorritakoak (%23,5), beira (%20,4), asfalto-produktuak (%16,6) eta zementu artifiziala (%6,9) lehengaiek. Aitzitik, urteko prezioetan (2007ko abendua, 2006ko abenduaren gainean), murrizketak izan dituzte: burdina eta altzairua (%-1,7); egiturak eta galdaragintza (%-1,4); laneko arropak (%-1,3) eta energia elektrikoa (%-0,4) lehengaiek.

Eraikuntzaren kostuen indizea. Euskal AE / Datu aurrerapena. 2007ko abendua.

Iturria: EUSTAT