EAEn eraikuntzako kostuen indizeak %2,7ko igoera izan du 2008ko urtarrilean, aurreko hilabetearen aldean; horrela, hilabete horretako urte arteko tasa %3,7raino igo da, EUSTATen datuen arabera.

Urte arteko aldakuntza-tasak, 1997-2008

Iturria: Eustat

2008ko urtarrilean, lan-eskuaren kostua %4,5 igo zen; lehengaien kostuak, berriz, %1,9.

Eraikuntzako azpisektorearen lehengaien kostuak %2,0ko hazkundea izan du aurreko hilabetearen aldean, eta Obra zibilarenak %1,6 gehitu dira. Aipatu azpisektore bi horien urtetik urterako bilakaera kontuan hartuz gero ikusten da biak gehitu direla baina modu ezberdinean: eraikuntzako lehengaien kostuak %3,0 hazi dira, eta obra zibilekoak, %5,3.

Urtarrilean prezio hazkunderik handienak kontsumitutako honako lehengaiek izan zituzten: karea, igeltsua eta eskaiola (%5,0), zementutik eratorriak (%4,4), zementu artifiziala (%2,8), zura eta kortxoa (%1,5), metalezko arozgintza (%1,4) eta egiturak eta galdaragintza (%1,4), besteren artean. Aitzitik, hileko prezioetan murrizketak izan dituzte: petroliotik eratorriak (%-0,9), olio eta koipeak (%-0,9), pintura eta bernizak (%-0,6) eta asfalto- produktuak (%-0,5).

Sektorean kontsumitu diren lehengaien prezioari dagokionez, azken hamabi hilabeteetan inflazio-tasa handienak izan dituztenak ondokoak izan dira: petroliotik eratorritakoak (%28,8), asfalto-produktuak (%20,9) eta beira (%16,7). Aitzitik, urteko prezioetan (2008ko urtarrila, 2007ko urtarrilaren gainean), murrizketak izan dituzte: olio eta koipeak (%-4,3), burdina eta altzairua (%-3,7); egiturak eta galdaragintza (%-0,5) eta energia elektrikoa (%-0,2).

Eraikuntzaren kostuen indizea. Euskal AE / Datu aurrerapena. 2008ko urtarrila.

Iturria: EUSTAT