EUSTATek landutako datuen arabera, 2007ko azaroan, lan egutegiko termino homogeneotan %0,7an murriztu zen Euskal AEko industri produkzioa, 2006ko hil beraren aldean. Urteko lehen hamaika hilabeteetan %3,1eko hazkunde metatua izan da, 2006ko aldi beraren aldean.

Urtaroen eragina zuzenduta, 2007ko azaroan %2an murriztu zen Euskal AEko industri produkzioa, aurreko hilarekin alderatuta.

Industri jardueraren balantzea urteko lehen hamaika hiletan urte arteko %3,1eko hazkundearekin ixten da; ekipoko (%6,9) eta bitarteko ondasunek (%4,0) jokaera azpimarragarria izan dute; berriz, energiako sektorean (%-2,9) eta kontsumoko ondasunenean (%-2,5) tasa negatiboak izan dira.

Euskal Autonomia Erkidegoko Industri Produkzioaren Indizearen urte arteko hazkunde zuzendua, hiruhilabeteka

(*) 2007ko urri-azaroko urte arteko hazkunde zuzendua

Iturria: Eustat

Sektoreen araberako bilakaera

Sektoreka eta industria-sektore handien sailkapenaren arabera, 2007ko azaroko indizearen bilakaerak 2006ko azaroaren aldean Energian izan zuen hazkundea (%4,6). . Ekipoko ondasunek %-1,4ko jaitsiera izan dute; Bitarteko ondasunek %-0,3; eta Kontsumoko ondasunek %-4,2, batez ere Kontsumo iraunkorreko ondasunen jaitsieragatik (%-8,6), ez-iraunkorrekoak askoz modu apalagoan (%-1,7) jaitsi baitziren.

2007ko azaroko hil arteko aldakuntzak negatiboak izan dira 2007ko urriaren aldean industri sektore handi guztientzat, Energiarentzat izan ezik, zeina %5,6 igo baita. Ekipoko ondasunak %3,8 jaitsi dira, Bitarteko ondasunak %1,6 eta Kontsumoko ondasunak %5,6 Kontsumo-ondasunen osagaien artean, kontsumo-ondasun iraunkorrek %-4,9ko hil arteko jaitsiera izan dute eta kontsumo-ondasun ez iraunkorrek %-5,9koa.

Lurralde Historikoen araberako bilakaera

Lurralde historikoen arabera Industri Produkzioaren Indizeak bilakaera positiboa izan du Gipuzkoan (%0,1); Bizkaian ez dago aldaketarik (%0,0) eta Araban %-3,6ko jaitsiera izan da.

Hil arteko tasak, 2007ko azaroa urriaren aldean, negatiboak izan dira hiru lurraldeetan: Araban %5,0 jaitsi da, Gipuzkoan %1,6 eta Bizkaian %0,9.

Taula: 2007ko AZAROA. Euskal AEko Industri Produkzioaren Indizearen aldakuntza-tasak (%).

“T” urteko urtarriletik azken hilera arteko aldi metatuaren urte arteko aldakuntza-tasa, aurreko urteko “T-1” aldi beraren aldean

Iturria: Eustat