Eustatek landutako datuen arabera, 2008ko urtarrilean %1,9 hazi zen Euskal AEko industri produkzioa lan-egutegiko baldintza homogeneotan, 2007ko hil beraren aldean.

Urtaroen eragina zuzenduta, %0,7 hazi zen Euskal AEko industri produkzioa, 2007ko abenduarekin alderatuta.

Euskal Autonomia Erkidegoko Industri Produkzioaren Indizearen urte arteko hazkunde zuzendua, hiruhilabeteka

(*) 2008ko urtarrileko urte arteko hazkunde zuzendua

Iturria: Eustat

Sektoreen araberako bilakaera

Sektoreen arabera, eta industri sektore nagusiak sailkatu ostean, 2008ko urtarrileko indizearen bilakaera hazi egin da ekipamendu ondasunetan (%2,4), tarteko ondasunetan (%3,3), eta energian (%0,3), 2007ko urtarrilaren aldean. Kontsumo-ondasunak %-4,0 jaitsi dira; kontsumo-ondasun ez-iraunkorren prezioak %-0,8 jaitsi ziren, eta kontsumo-ondasun iraunkorrenak %-11,3.

2007ko abenduaren aldean, 2007ko urtarrilean hil arteko aldaketak positiboak izan dira energiaren (%7,0), ekipamendu ondasunen (%1,8) eta tarteko ondasunen (%0,3) sektore nagusietan; aitzitik, 2007ko abenduaren aldean betiere, kontsumo-ondasunek %-4,3 egin dute behera. Kontsumo-ondasunen osagaien artean, kontsumo-ondasun iraunkorrek %-10,8ko hil arteko murrizpena izan dute eta kontsumo-ondasun ez iraunkorrek %-1,4 egin dute behera, aurreko urteko abenduaren aldean.

Lurralde Historikoen araberako bilakaera

Lurralde historikoen arabera Industri Produkzioaren Indizeak bilakaera positiboa izan du Gipuzkoan (%3,1) eta Bizkaian (%2,2); Araban %-0,9ko jaitsiera dago.

Lurraldeetako hil arteko hazkunde-tasei dagokienez (2008ko urtarrilekoak, 2007ko abenduaren aldean) bilakaera ezberdinak izan dira aipatu aldian: Araban %1,4 hazi da tasa hori hil artean eta Gipuzkoan (%1,6); Bizkaian tasa horrek behera egin du (%-0,5).

Taula: 2008ko URTARRILA. Euskal AEko Industri Produkzioaren Indizearen aldakuntza-tasak (%).

(1) t urteko urtarriletik azken hilera arte metatutako aldiaren urtetik urterako aldaketa-tasa da, t-1 urteko aldi berberaren aldean.

Iturria: Eustat

Ohar metodologikoa: 2008ko urtarrileko Industri Prezioen Indizea 2005 oinarri berriarekin egin da, 2000 oinarriari jarraitzen diolarik. Oinarri aldaketa honek, beste abantaila batzuen artean honakoa dakar: Euskal AEko industria-sektoreko enpresa informatzaileen ordezkatze-panela eguneratzea, enpresa-kopurua eta sektore-estaldura nabarmen gehituz.