2008ko martxoan, Euskal AEko Eraikuntzaren Kostuen Indizea %0,1 igo zen aurreko hilaren aldean, eta martxorako urte arteko tasa %6ra iritsi zen, EUSTATen datuen arabera.

(*) Gehikuntza martxoko urte artekoa da

200ko martxoan, lan-eskuaren kostua ez zen aldatu (%0,0); lehengaien kostuak, berriz, %0,2 igo ziren.

Eraikuntza eta Obra Zibila azpisektoreek antzeko bilakaera izan zuten: aurreko hilaren aldean % 0,2 igo zen Eraikuntza eta %0,1 Obra Zibileko lehengaien kostuak. Azpisektore horien urte arteko bilakaerari begiratuz gero, ibilbide ezberdinak izan zituztela ikusiko dugu: Eraikuntzako lehengaien kostuak %5,7 hazi ziren, eta Obra zibilekoak, aldiz, %6,5.

Martxoan prezio hazkunderik handienak kontsumitutako honako lehengaiek izan zituzten: Material elektronikoa (%1,8), Metalurgia (%1,1) eta Altzarigintza (%1,1). Aitzitik, hileko prezioetan murrizketak izan zituzten Energia elektrikoa eta gasak (%-2,5), eta Ez-metalezko industriak (%-0,8).

Sektorean kontsumitu diren lehengaien prezioari dagokionez, azken hamabi hilabeteetan inflazio-tasa handienak izan dituztenak ondokoak izan dira: Energia elektrikoa eta gasa (%14,6), Ez-metalezko meak (%11,9), Ura (%10,9) eta Petrolioa fintzea (%10,2). Bestalde, urte batetik bestera (2007ko martxotik 2008ko martxora) honako hauen lehengaien prezioak murriztu ego gutxiago igo dira: Material elektronikoa (%-2,2) eta Metalurgia (%0,2).

Iturria: EUSTAT