Eustaten datuen arabera, eta lan-egutegi homogeneoari dagokionez, Euskal Autonomia Erkidegoko industri produkzioak 2008ko martxoan ez du aldaketarik izan (%0,0) 2007ko hilabete beraren aldean.

Aurreko hilabetearen, hau da, 2008ko otsailaren aldean Euskal Autonomia Erkidegoko industri produkzioa %0,1 gehitu da baina estazionalitate-ondorioak zuzendu ostean.

Euskal Autonomia Erkidegoko Industri Produkzioaren Indizearen urte arteko hazkunde zuzendua, hiruhilabeteka

Iturria: Eustat

Sektoreen araberako bilakaera

Sektoreka, eta industri sektore nagusien sailkapenean oinarriturik, 2008ko martxoko indizearen bilakaerak (2007ko martxoaren aldean) energia gehitzea ekarri du (%6,3). Alabaina, ekipamenduko ondasunak (%2,2), tarteko ondasunak (%0,9) eta kontsumo-ondasunak (%2,7) murriztu egin dira; azken hauen murrizpena, hain zuzen, kontsumo-ondasun iraunkorren (%-12,2) beherapenak eragin du, kontsumo-ondasun ez iraunkorrek %1,3 egin baitute gora.

2008ko martxoko hilabete arteko aldakuntzak, batez ere 2008ko otsailean, positiboak izan dira kontsumo-ondasunen (%0,5) eta energiaren (%1,4) sektore garrantzitsuetan. Kontsumo-ondasunek ez dute aldaketarik izan (%0,0) kontsumo-ondasun ez iraunkorrek gora egin dutelako (%1,0) eta kontsumo-ondasun iraunkorrek behera egin dutelako (%2,5). Tarteko ondasunek %0,4 egin dute behera, otsailaren aldean.

Lurralde Historikoen araberako bilakaera

Lurralde historikoen arabera, Industri Produkzioaren Indizeak urte batetik bestera izan dituen bilakaerak positiboak izan dira Bizkaian (%4,8); baina Araban eta Gipuzkoan indizeek behera egin dute (%2,4 eta %3,8 hurrenez hurren).

Lurraldeetako hil arteko hazkunde-tasei dagokienez (2008ko martxokoak, 2008ko otsailaren aldean) bilakaera ezberdinak eman dira aipatu aldian: Bizkaian hilean %1,2 hazi da tasa hori eta Gipuzkoan %0,2, baina Araban %2,3 egin du tasa horrek behera.

Taula: 2008KO MARTXOA. Euskal Autonomia Erkidegoko Industri Produkzioaren Indizearen aldakuntza-tasak (%)

(1) t urteko urtarriletik azken hilera arte metatutako aldiaren urtetik urterako aldaketa-tasa da, t-1 urteko aldi berberaren aldean.

Iturria: Eustat