2006ko ekitaldian, Euskal Administrazioen (Eusko Jaurlaritza, foru aldundiak eta udal Administrazioak, euren erakunde autonomoekin eta udalez gaindiko erakundeekin batera) gastu arruntak %8,6 hazi ziren, Eustatek emandako datuen arabera. Gastu arrunta 11.066,9 milioi euro izan zen; sarrera arruntak 14.267,6 milioi izan ziren, urteko hazkunde tasa, 2005aren aldean, %12,1 izan zelarik.

Euskal administrazioen zerga sarreren banaketa. 2006 urtea.

Iturria: Eustat

Zerga sarrerek –sarrera arrunt guztien %90 baino gehiago- %11,6ko aldakuntza positiboa izan zuten. Haien artean Sozietateen Zergatik eratorritakoek izan zuten urte arteko hazkunderik handiena, %16,8. BEZak %11,9ko hazkundea izan zuen eta PFEZak %11,1ekoa. Udal zergen hazkundea antzekoa izan zen, %11,7, eta Zerga bereziena txikiagoa, %4,7.

Gastu arruntaren atalen artean hazkunderik txikiena Pertsonal gastuetan izan zen, %5,7; ondoren, Transferentzia Arruntetan, %9,6, eta bestelako gastu arruntetan (funtzionamendu gastuak), %9,7. Oro har, gastu arruntaren hazkundea %8,6koa izan zen; kontuan hartuz sarrera arrunten hazkundea handiagoa izan zela (%12,1), azkenean 2006an eragiketa arrunten saldoan %26,0ko hazkundea dugu.

Eragiketa arrunten saldotik aurrekontu saldo ez finantzariora pasatzeko, kapital eragiketen sarrera eta gastuak kontabilizatu behar dira. 2006ko kapital-sarrerak 2005ekoak baino %12,3 txikiagoak izan ziren, eta kapital-gastuak D inbertsio errealak gehi kapital-transferentziak) %11,0 hazi ziren. Ondorioz, aurrekontu-saldo ez-finantzarioa 1.333,6 milioi euro izan zen, 2005ean baino 396,4 gehiago.

Euskal Administrazioen likidazio finkatua. 2006-2005

Iturria: Eustat

2006an Euskal Administrazioen zor bizia 3.354,3 milioi euro izan zen, 2005ean baino %6,7 gutxiago. Azken urtean amortizatu beharreko zorretik 442,0 amortizatu ziren, baina 199,2ko zor berriak egin ziren; azken zorra 0,2 milioi eurotan murriztu da.

Euskal Administrazioen finantza-zor hau BPGren %5,4 izan zen, ia puntu bat gutxiago 2005ean baino, non %6,3 izan baitzen.

Euskal Administrazioen datu finkatuak. 2006. urtea

Iturria: EUSTAT