2008ko apirilean, Euskal AEko Eraikuntzaren Kostuen Indizea %0,4 igo zen, aurreko hilaren aldean, eta apirileko urte arteko tasa %7,1era iritsi zen, Eustaten datuen arabera.

Urte arteko aldakuntza-tasak, 1997-2008

(*)Gehikuntza apirilako urte artekoa da

Iturria: EUSTAT

2008ko apirilean, lan-eskuaren kostua ez zen aldatu (%0,0); lehengaien kostuak, berriz, %0,5 igo ziren.

Eraikuntza eta Obra Zibila azpisektoreek bilakaera desberdinak izan zituzten: aurreko hilaren aldean % 0,4 igo ziren Eraikuntzakoak eta % 0,9 Obra Zibileko lehengaien kostuak. Azpisektore horien urte arteko bilakaerari begiratuz gero, ibilbide ezberdinak izan zituztela ikusiko dugu: Eraikuntzako lehengaien kostuak %7,2 hazi ziren, eta Obra Zibilekoak, aldiz, %7,7.

Apirilean prezio hazkunderik handienak kontsumitutako honako lehengaiek izan zituzten: Metalurgia (%2,5) eta Petrolio fintzea (%2,4). Aitzitik, hileko prezioetan murrizketak izan zituzten Material Elektronikoak (%-1,5) eta Energia elektrikoa eta gasak (%-1,4),

Sektorean kontsumitu diren lehengaien prezioari dagokionez, azken hamabi hilabeteetan inflazio-tasa handienak izan dituztenak ondokoak izan dira: Ez-metalezko meak (%16,4), Energia elektrikoa eta gasa (%12,1), Ura (%11,4) eta Petrolioa fintzea (%9,0). Bestalde, urteko arteko prezioetan (2008ko apirila, 2007ko apirilaren aldean), igoera txikiagoak izan zituzten Metalurgia (%0,3), Makineria (%2,0) eta Zuraren industriako (%2,1) lehengaiek.

Iturria: EUSTAT