2008ko maiatzean, Euskal AEko Eraikuntzaren Kostuen Indizea %0,2 igo zen, aurreko hilaren aldean, eta maiatzeko urte arteko tasa %7,3ra iritsi zen, Eustaten datuen arabera.

Urte arteko aldakuntza-tasak, 1997-2008

(*)Gehikuntza maiatzako urte artekoa da

2008ko maiatzean, lan-eskuaren kostua ez zen aldatu (%0,0) eta lehengaien kostuak, berriz, %0,3 igo ziren.

Eraikuntza eta Obra Zibila azpisektoreek bilakaera desberdinak izan zituzten: aurreko hilaren aldean ez zen aldaketarik izan Eraikuntzan eta %1,2 igo ziren Obra Zibileko lehengaien kostuak. Urte arteko bilakaerak antzekoagoak izan zituzten azpisektore biek: Eraikuntzako lehengaien kostuak %7,4 hazi ziren, eta Obra Zibilekoak, aldiz, %8,5.

Maiatzean prezio hazkunderik handienak kontsumitutako honako lehengaiek izan zituzten: Metalurgia (%4,2) eta Petrolio fintzea (%7,1). Aitzitik, hileko prezioetan murrizketak izan zituzten Ez-metalezko meak (%-1,3) Material elektrikoa (%-0,7) eta Energia elektrikoa eta gasak (%-0,6),

Sektorean kontsumitu diren lehengaien prezioari dagokionez, azken hamabi hilabeteetan inflazio-tasa handienak izan dituztenak ondokoak izan dira: Ez-metalezko meak (%15,1), Energia elektrikoa eta gasa (%14,1), Petrolioa fintzea (%13,7) eta Ura (%11,4). Bestalde, urteko arteko prezioetan (2008ko maiatza, 2007ko maiatzaren aldean), igoera txikiagoak izan zituzten Material elektronikoa (%0,8), Makineria (%2,2), Metalezko gaiak (%2,4) eta Ez-metalezko industria (%2,5).

Eraikuntzaren kostuen indizea. Euskal AE / Datu aurrerapena. 2008ko maiatza.

Iturria: EUSTAT