Eustatek landutako datuen arabera, 2008ko maiatzean %1,4 murriztu zen Euskal AEko industri produkzioa lan-egutegiko baldintza homogeneoetan, 2007ko hil beraren aldean.

Urtaroen eragina zuzenduta, %2,6 murriztu zen Euskal AEko industri produkzioa, 2008ko apirilarekin alderatuta.

2008ko lehen bost hiletako balantzea Industri Produkzioaren Indizearen %1eko hazkunde metatuarekin itxi da, aurreko urteko aldi beraren aldean. Indizearen bilakaera aztertuz gero, bigarren hiruhilekoan industri jardueraren bizkortzea izan dela ikusten da; lehenengoan %+0,7 izan zen datua eta bigarrenean %+1,8.

1. grafikoa: Euskal AEko Industri Produkzioaren Indizearen urte arteko hiru hileroko hazkunde zuzendua

Iturria: Eustat

Sektoreen araberako bilakaera

Sektoreen arabera, eta industri sektore nagusiak sailkatu ostean, 2008ko maiatzeko indizearen bilakaera jaitsi egin da denetan, Energian (%+5,6) izan ezik, 2007ko maiatzaren aldean. Ekipoko ondasunek %-1,3ko jaitsiera izan dute; Bitarteko ondasunek %-0,6; eta Kontsumoko ondasunek %-9,9, Kontsumo iraunkorreko (%-17,9) eta ez-iraunkorreko (%-6,4) ondasunen jaitsieragatik.

2008ko maiatzeko hil arteko aldakuntzak negatiboak izan dira 2008ko apirilaren aldean industri sektore handi guztientzat, Energiarentzat izan ezik, zeina %0,2 igo baita. Ekipoko ondasunek %-3,5eko jaitsiera izan dute; Bitarteko ondasunek %-1,2; eta Kontsumoko ondasunek %-6,3, Kontsumo iraunkorreko (%-13,4) eta ez-iraunkorreko (%-3,3) ondasunen jaitsieragatik.

Lurralde Historikoen araberako bilakaera

Lurralde historikoei dagokienez, Industri Produkzioaren Indizearen urte arteko bilakaera negatiboa izan da hiru lurraldeetan: Araba eta Bizkaia %-2 jaitsi dira eta Gipuzkoa %-0,5.

2008ko maiatza 2008ko apirilarekin alderatuz gero bilakaerak negatiboak izan dira: Araban %-3,6 jaitsi da, %-2,7 Gipuzkoan eta %-1,9 Bizkaian.

(1) t urteko urtarriletik azken hilera arte metatutako aldiaren urtetik urterako aldaketa-tasa da, t-1 urteko aldi berberaren aldean.

Iturria: Eustat