EUSTATen datuen arabera, eta lan-egutegi homogeneoari dagokionez, Euskal Autonomia Erkidegoko industri produkzioa 2007ko hil beraren aldean %5,7 hazi da 2008ko apirilean.

Aurreko hilaren, hau da, 2008ko martxoaren aldean Euskal Autonomia Erkidegoko industri produkzioa %2,3 gehitu da baina estazionalitate-ondorioak zuzendu ostean.

1. grafikoa. Euskal Autonomia Erkidegoko Industri Produkzioaren Indizearen urte arteko hazkunde zuzendua, hiruhilabeteka

(*) 2008ko apirileko urte arteko hazkunde zuzendua

Iturria: Eustat

Sektoreen araberako bilakaera

Sektoreen arabera, eta industri sektore nagusienak sailkatu ostean, 2008ko apirileko indizearen bilakaera hazi egin da sektore guztietan, 2007ko apirilaren aldean: ekipamenduko ondasunak %9,6 hazi dira; tarteko ondasunak %7,2 igo dira; energia %3,2 igo da, eta kontsumoko ondasunak %2,7 igo dira, kontsumo-ondasun iraunkorrek (%2,0) eta kontsumo-ondasun ez iraunkorrek (%3,0) izandako gehikuntzen ondorioz.

2008ko apirileko hil arteko aldaketak, 2008ko martxoaren aldean, positiboak izan dira industriako sektore handi guztietan. Salbuespen bakarra energiaren sektorea izan da, honek %2,1 egin baitu behera. Ekipamenduko ondasunak %3,5 igo dira, tarteko ondasunak %3,1 eta kontsumo-ondasunak %2,7; azken hauen igoeraren eragilea izan da kontsumo-ondasun iraunkorrek (%9,3) izan duten gehikuntza. Aitzitik, kontsumo-ondasun ez iraunkorrek gehikuntza askoz txikiagoa izan dute (%0,1).

Lurralde Historikoen araberako bilakaera

Lurralde historikoen arabera, Industri Produkzioaren Indizearen urte arteko bilakaerak positiboak izan dira hiru lurralde historikoetan: Gipuzkoan %8,7 gehitu da, Araban %5,3 eta, azkenik, Bizkaian %3,4.

Lurraldeetako hil arteko hazkunde-tasei dagokienez (2008ko apirilekoak, 2008ko martxoaren aldean) bilakaera positiboak eman dira aipatu aldian: Gipuzkoan hil artean %4,2 hazi da tasa hori, Araban %3,2 eta Bizkaian %0,2.

1. taula: 2008ko APIRILA. Euskal Autonomia Erkidegoko Industri Produkzio Indizearen aldakuntza-tasak (%)

(1) t urteko urtarriletik azken hilera arte metatutako aldiaren urtetik urterako aldaketa-tasa da, t-1 urteko aldi berberaren aldean.

Iturria: Eustat