2007ko laugarren hiruhilekoan, Euskal AEn 5.174 haur jaio ziren, iazko aldi berean baino % 3,7 gehiago, Eustaten datuen arabera. Horietatik 1.796 haur urrian jaio ziren, 1.737 azaroan eta 1.641 abenduan. Lurraldez lurralde, Araban 745 haur jaio ziren, Bizkaian 2.674 eta Gipuzkoan 1.755.

Guztira 20.479 haur jaio ziren 2007an, %2,7 gehiago 2006an baino.

Jaiotza-hurrenkeraren arabera, erdiak baino gehiago, 2.932 haur (%56,7), lehenengo haurrak izan ziren; 1.834 haur (%35,4) aurretik beste bat zegoen familietara iritsi ziren; eta hirugarren eta ondorengo seme-alabak 408 (%7,9) izan ziren.

Jaiotzak amaren adinaren arabera banatuz gero, ikusiko dugu 3034 urteko amen taldea dela nagusi oraindik ere, haien artean izan baitziren erditzeen % 43,3. Talde horren ondotik, hurrengo goragoko taldea kokatu zen, hau da, 3539 urte artekoa (%28,4); 2529ko taldea beherago geratu zen, erditzeen %16,3 ekarri baitzituen; eta 20-24ko taldeak % 5,3 besterik ez.

40 urtetik gorako adinarekin haurrak izan zituzten amak (%5,1) gehiago izan ziren 20 urtetik beherako adinekin izan zituztenak baino (%1,5).

Ama ezkongabe gehiago dago

Ezkontzaz kanpoko jaiotzek guztizkoaren %30,1 hartu zuten, 2006ko aldi berean lortutako kopurua 3,2 ehuneko-puntutan gaindituz. Lurraldeka, Bizkaian izan zen ehunekorik handiena (%31), ondoren Gipuzkoan (%29,4) eta azkenik Araban (%28,2).

1.- taula: Bizirik jaioak Euskal AEn. Taula konparatiboa.

1. grafikoa: Jaiotzen hilez hileko mugimendua.

Oinarria 100 = b.b

Iturria: EUSTAT