2008ko lehenengo hiruhilekoan, Euskal AEn 5.083 jaiotza izan ziren, iazko aldi berean baino %3,8 gehiago, Eustatek landutako datuen arabera. Araban 767 haur jaio ziren, Bizkaian 2.633, eta Gipuzkoan 1.683.

Jaiotza-hurrenkeraren arabera, 2008ko lehen hiruhilekoan, erdiak baino gehiago, 2.689, lehenengo haurrak izan ziren; 1.912 (%37,6) aurretik beste bat zegoen familietara iritsi ziren; eta hirugarren eta ondorengoak %9,5era iritsi zen.

Jaiotzak amaren adinaren arabera banatzen baditugu, ikusiko dugu 3034 urteko amen taldea oraindik ere nagusi dela argi eta garbi, haien artean gertatu baitziren erditzeen ia erdiak. Talde horren ondotik, hurrengo goragoko taldea kokatu zen, hau da, 35-39 urte artekoa (%27,2); 25-29ko taldea beherago geratu zen, erditzeen %17 ekarri baitzituen. Muturreko adinak dituzten taldeetan, 25 urtez behera amatu zirenak %6,9 izan ziren, eta 40 urtez gorakoen taldeak, berriz, jaiotzen %5,5 besterik ez zuen ekarri.

Ama ezkongabe gehiago dago

Ezkontzaz kanpo jaioek guztizkoaren %30,3 hartu zuten eta bi puntu eta erdi igo ziren 2007ko lehenengo hiruhilekoaren aldean. Araba (%27,1) izan zen Euskal AE osoko balioa baino txikiagoa izan zuen lurralde bakarra. Talde horren erditze-adina seme-alabak eduki zituzten amen multzo osoarena baino txikiagoa izan zen, ama ezkongabeen %17,6 25 urtetik beherakoak baitziren.

1.- taula: Bizirik jaioak Euskal AEn. Taula konparatiboa

1. grafikoa: Jaiotzen hilez hileko mugimendua

Oinarria 100 =b.b.

Iturria: EUSTAT