Euskal AEn 20 eta 20 urte arteko biztanleen artean zientzia eta teknologiaren arloetako gradudunen tasa, 26,6 1.000 biztanleko, EB-27 herrietan erregistratu den batez bestekoaren halako bi baino gehiagokoa da (12,9 1.000 biztanleko) 2005eko Eustaten datuen arabera, lurralde esparru horietan konparazioak egiteko eskura dauden azkenak, alegia. Espainiari dagokion tasa, urte horretan bertan, 11,8 da 1.000 biztanleko, alde horretako herrien batez bestekoa baino baxuagoa.

Datu horiek eta EB-27 eratzen duten herrietakoak erkatzen badira ikus daiteke Euskal AE horien guztien buruan dagoela. Horrela, gure Erkidegoko tasa 26,6koa zen 1.000 biztanleko zientzia eta teknologietako goi gradudunetan; ostean zeuden Irlanda (24,5), Frantzia (22,5), Lituania (18,9), Erresuma Batua (18,4), Finlandia (17,7), Danimarka (14,7) eta Suedia (14,4). Kontrako norabidean, tasarik baxuenak zituzten gure esparruko herriak Malta (3,4 gradudun 1.000 biztanleko), Txipre (3,6) eta Hungaria (5,1) ziren.

Zientzia eta teknologia arloetako goi gradudunak 1.000 biztanleko (20 eta 29 urte arteko biztanleria) EB-27n

Iturria: Eustat eta Eurostat

2007 urtean gutxienez bigarren mailako hezkuntzako ikasketak gainditutako 20 eta 24 urte arteko biztanleria-tasari dagokionez ohartarazi behar da Euskal AEko batez bestekoa, %79,7 zela, EB-27 herrietako batez bestekoa baino altuagoa, hori %78,1 zelako. Dena dela, tasa espainiarra, %61,1, batez beste horretatik oso urrun zegoen eta 2007 urtean Maltakoa (%54,7) eta Portugalekoa (%53,4) baino ez zituen atzetik.

Gutxienez bigarren mailako hezkuntzako ikasketak gainditu zituzten 20 eta 24 urte arteko biztanleen tasa (%)

Iturria: Eustat eta Eurostat

Herrien arabera Txekiar Errepublika (%91,8), Polonia (%91,6), Eslovenia (%91,5), Eslovakia (%91,3), Lituania (%89,0), Suedia (%87,2) eta Irlanda (%86,7) ziren tasarik altuenak zituztenak.